پەتروپاۆلدا جەر قازۋ جۇمىستارى كەزىندە قۇرىلىسشىلار XIX عاسىردىڭ قابىرلەرىنە تاپ بولدى: تەحنيكا ينكليۋزيۆتى سپورت ورتالىعىن سالۋ ءۇشىن شۇڭقىر قازىپ جاتقان، دەپ حابارلايدى infohub.kz سايتى.
جۇمىسشىلار جەردەن تابىتتار تاپتى، ولاردىڭ XIX عاسىردان بەرى وسىندا جاتقانى انىقتالدى.
«مۇندا ءتىپتى رەۆوليۋسياعا دەيىنگى جەرلەۋلەر دە كەزدەسەدى، ۇستىنەن كەيىنگىلەرى شىعادى. ياعني تابىلىمدار، مونەتالار ۇشىراسادى. كەشە، مىسالى، ءبىر تيىن — نيكولاي كەزەڭىندەگى مونەتا شىقتى. بۇل كەيىنگى جەرلەۋلەر — بوس ورىن بولماعاندىقتان جاسالعان سياقتى. ياعني بالالار وتە كوپ، بالالار رەتسىز جەرلەنگەن»، — دەدى ەرىكتى ولەگ انتونوۆ.
قالدىقتار تابىلعان سوڭ، ەرىكتىلەر وقيعا ورنىندا قازبا جۇمىستارىن ۇيىمداستىردى.
تابىلعان قابىرلەر مۇقيات تازالانىپ، قالدىقتار جينالىپ، ساراپتاما ءۇشىن پوليسەيلەرگە تاپسىرىلىپ جاتىر. ەرىكتىلەردىڭ ەسەبى بويىنشا، شىعارىلعان مارقۇمداردىڭ سانى ونداپ جەتتى. قاتار-قاتار ورنالاسقان قابىرلەردەن كوبىنەسە وتباسىلىق جەرلەۋلەر تابىلادى. قايتىس بولعانداردىڭ ەسىمدەرىن انىقتاۋ ەندى مۇمكىن ەمەس، دەپ اتاپ ءوتتى ولار.
زيرات XIX عاسىردىڭ سوڭىندا جۇمىس ىستەگەنى بەلگىلى. جارتى عاسىردان استام ۋاقىت بويى بۇل اۋماق تىعىز قۇرىلىس سالىنعان قالانىڭ قاراپايىم شاعىن اۋدانى بولىپ كەلەدى. الايدا مۇنداعى عۇرىپتىق وتكەندى ەسكە سالاتىن ەستەلىك سكۆەرى بار.
«اكىمدىكتىڭ تكش ءبولىمىنىڭ مەردىگەر ۇيىمى قايتا جەرلەۋ ماسەلەسىمەن اينالىسىپ جاتىر. جۇمىسشى كەنتىندەگى زيراتتا قايتا جەرلەۋ ورنى بەلگىلەندى. بارلىق قاجەتتى راسىمدەر بەلگىلەنگەن تارتىپپەن جۇرگىزىلۋدە»، — دەپ ءتۇسىندىردى پەتروپاۆل اكىمىنىڭ ءباسپاسوز حاتشىسى تيمۋر جۇمانوۆ.