اقش فەدەرالدىق تەرگەۋ بيۋروسىنىڭ ديرەكتورى كەش پاتەل 14–15 قازان ارالىعىندا رەسەيگە بارۋدى جوسپارلاپ وتىر. بۇل تۋرالى Politico باسىلىمى جاعدايدان حاباردار ەكى امەريكالىق شەنەۋنىككە سىلتەمە جاساپ حابارلادى. ول الدىمەن ماسكەۋگە، سودان كەيىن سانكت-پەتەربۋرگكە بارادى. قابىلداۋشى تاراپ رەتىندە رەسەيدىڭ فەدەرالدىق قاۋىپسىزدىك قىزمەتى (فسب) كۇتىلۋدە، دەپ حابارلايدى infohub.kz سايتى.
بۇل جوسپارلاردى تاعى ءبىر امەريكالىق شەنەۋنىك راستادى. ونىڭ ايتۋىنشا، ساپار كۇزگە جوسپارلانعان. اڭگىمەلەسۋشىلەر قۇپيا جوسپارلارعا بايلانىستى اتىن اتاماۋ شارتىمەن سويلەسكەن.
پاتەلدىڭ رەسەي پرەزيدەنتى ۆلاديمير پۋتينمەن نەمەسە ونىڭ جوعارى لاۋازىمدى كومەكشىلەرىنىڭ بىرىمەن كەزدەسۋى ازىرگە بەلگىسىز. سونداي-اق ىقتيمال كەلىسسوزدەردىڭ كۇن تارتىبىنە قانداي ماسەلەلەر ەنەتىنى دە بەلگىسىز.
اق ءۇي وكىلدەرى پىكىر سۇراۋدى فبر-گە باعىتتادى، الايدا ۆەدومستۆو جاريالانىم كەزىندە جاۋاپ بەرمەدى.