استانا تۇرعىنى ەرەكشە ءىرى مولشەردە ەسىرتكى كونترابانداسى ءۇشىن 16 جىل باس بوستاندىعىنان ايىرۋعا سوتتالدى، دەپ حابارلايدى infohub.kz.
پوليسيا مالىمەتىنشە، 32 جاستاعى ەر ادام تايلاندتان ءۇش حالىقارالىق سالەمدەمە العان. ولاردىڭ ىشىندە گاشيش مايى (كاننابيس سىعىندىسى) بولعان. تاركىلەنگەن زاتتىڭ جالپى سالماعى شامامەن 2،9 كگ قۇراعان.
تەرگەۋ بارىسىندا كۇدىكتىنىڭ ۋاقىتشا تۇراتىن جەرىنەن ساتۋعا دايىندالعان ەسىرتكى، ەلەكتروندى تارازىلار، وراۋ ماتەريالدارى، اقشا قاراجاتى جانە باسقا دا زاتتاي دالەلدەمەلەر تابىلدى. سوت ەر ادامدى ەرەكشە ءىرى مولشەردە ەسىرتكى قۇرالدارىن كونتراباندالاعانى ءۇشىن كىنالى دەپ تانىپ، 16 جىل باس بوستاندىعىنان ايىرۋ جازاسىن تاعايىندادى.