قازاقستان پرەزيدەنتى قاسىم-جومارت توقايەۆ قىرعىز رەسپۋبليكاسىنا جاڭادان تاعايىندالعان ەلشى ءابىلقايىر سقاقوۆتى قابىلدادى. كەزدەسۋدە مەملەكەت باسشىسى باۋىرلاس قىرعىزستانمەن دوستىق، تاتۋ كورشىلىك، ستراتەگيالىق سەرىكتەستىك جانە وداقتاستىق قارىم-قاتىناستاردى ودان ءارى نىعايتۋدىڭ ماڭىزدىلىعىن اتاپ ءوتتى، دەپ حابارلايدى Qazaqtoday.info سايتى.
پرەزيدەنت جاڭا ەلشىگە ەكىجاقتى ىنتىماقتاستىقتىڭ بىرنەشە باسىم باعىتتارى بويىنشا تاپسىرمالار بەردى. اتاپ ايتقاندا، كولىك-ترانزيت، ەنەرگەتيكا، سۋ رەسۋرستارى، اۋىل شارۋاشىلىعى جانە سيفرلاندىرۋ سالالارىنداعى ءوزارا ءىس-قيمىلدى دامىتۋعا باسا نازار اۋدارىلدى. سونىمەن قاتار مادەني-گۋمانيتارلىق بايلانىستاردى جانداندىرۋ مىندەتى قويىلدى.