A24 ستۋدياسى روبەرت پاتتينسون باستى ءرولدى سومداعان «پرايم-تايم» درامالىق تريللەرىنىڭ العاشقى ترەيلەرىن ۇسىندى، دەپ حابارلايدى infohub.kz.
ءفيلمنىڭ الەمدىك تۇساۋكەسەرى 25 قىركۇيەككە جوسپارلانعان.
وقيعا 2006 جىلى، «پويمات حيششنيكا» تەلەشوۋى تانىمالدىق شىڭىندا تۇرعان كەزدە ءوربيدى. جۇرگىزۋشى كريس حانسەن ءتۇسىرىلىم توبىمەن بىرگە كامەلەتكە تولماعاندارمەن كەزدەسۋگە ارەكەت جاسادى دەپ كۇدىكتەلگەن ادامداردى اشكەرەلەۋ ءۇشىن ارنايى وپەراسيالار جۇرگىزدى.
پاتتينسون حانسەننىڭ ءوزىن وينادى. فيلمدە سونداي-اق مەرريتت ۋيۆەر («حودياچيە مەرتۆەسى»)، سكايلەر گيزوندو («زناكومستۆو س فاكەرامي: نوۆايا گلاۆا»، «شرەك 5»، «نوچ ۆ مۋزەە: سەكرەت گروبنيسى») جانە ءانشى فيبي بريدجەرس ءتۇستى.
رەجيسسەرى — لەنس وپپەنحايم، ال پاتتينسوننىڭ ءوزى ءفيلمنىڭ پروديۋسەرلەرىنىڭ ءبىرى بولدى.
شوۋدىڭ ءوزى 2004-2007 جىلدارى امەريكاندىق تەلەديداردا كورسەتىلىپ، ۇلكەن اۋديتوريا جينادى. الايدا كەيىن جوبا اينالاسىندا ۇلكەن جانجال تۋدى. 2006 جىلى كۇدىكتىلەردىڭ ءبىرى، وكرۋگتىك پروكۋروردىڭ كومەكشىسى بيلل كونرادت پوليسيا وپەراسياسى كەزىندە وز-وزىنە قول جۇمسادى. وسىدان كەيىن شوۋ جاساۋشىلارعا قارسى سوتقا شاعىم ءتۇسىرىلىپ، جوبا جاقىن ارادا جابىلدى.
بۇعان دەيىن Kursiv LifeStyle كريستوفەر نولاننىڭ «وديسسەيا» ءفيلمى ەكىنشى دەمالىس كۇندەرىنەن كەيىن الەمدىك پروكاتتا $639،6 ملن جيناعانىن جازعان بولاتىن. ارينە، قورىتىندى جاساۋ ءالى ەرتە، ءبىراق ەجەلگى گرەك ەپوسىنىڭ ەكرانيزاسياسى 2026 جىلعى بارلىق فيلمدەر اراسىندا جيناعان قاراجات بويىنشا جەتىنشى ورىندا تۇر.