رەسەي تۇرعىنى اقۋىز قوسپالارىن كوپ جىل بويى كۇن سايىن قابىلداپ، اپتاسىنا بىرنەشە رەت قارقىندى جاتتىعۋ جاساعان. سونىڭ سالدارىنان وعان بۇيرەك اۋىستىرۋ قاجەت بولدى. بۇل تۋرالى infohub.kz سايتى حابارلايدى.
سكليفوسوۆسكي اتىنداعى ماسكەۋ عىلىمي-زەرتتەۋ ينستيتۋتىنىڭ مالىمەتىنشە، ۋاقىت وتە كەلە ناۋقاستىڭ قان قىسىمى كوتەرىلىپ، باسى قاتتى اۋىرىپ، زارىندە اقۋىز پايدا بولعان. بۇيرەگىنىڭ جاعدايى سونشالىقتى ناشارلاعاندىقتان، وعان گەمودياليز جاسالىپ، كەيىننەن اعزا اۋىستىرۋ قاجەت بولدى.
ينستيتۋت حيرۋرگتارى قاجەتتى وتا جاسادى. حيرۋرگيالىق ارالاسۋ ءساتتى وتكەنى، قازىرگى ۋاقىتتا ناۋقاستىڭ قالپىنا كەلە باستاعانى حابارلاندى.
ەر ادامعا دەنە جۇكتەمەسىن بىرنەشە ايدان كەيىن عانا قايتا باستاۋعا رۇقسات ەتىلەدى. ونىڭ وزىندە جۇكتەمەنى ابايلاپ، بىرتىندەپ ارتتىرىپ، ەمدەۋشى دارىگەردىڭ بارلىق ۇسىنىستارىن قاتاڭ ساقتاۋ كەرەك.
پروتەينگە كەلسەك، عزي ماماندارى بىلاي دەپ اتاپ ءوتتى: اعزاداعى ەرتە وزگەرىستەر كوبىنەسە بايقالماي قالادى، ويتكەنى ولار ىسىنۋمەن جانە ايقىن كورىنەتىن بەلگىلەرمەن قاتار جۇرمەيدى.
بۇل جاعدايدا پروتەين قابىلداپ، قارقىندى جاتتىعاتىندارعا دارىگەرلەر تۇراقتى سۋ ءىشۋ رەجيمىن ۇستانۋدى، ءزار مەن قان بيوحيمياسىن مىندەتتى تۇردە تەكسەرىپ وتىرۋدى ۇسىنادى. ولاردىڭ تۇسىندىرۋىنشە، بۇل — اقۋىزى جوعارى راسيوندارمەن جۇمىس ىستەگەندەگى باستى قاۋىپسىزدىك شارتتارى.
بۇعان دەيىن «كۋرسيۆ» جازعانداي، بۇگىندە سانگە اينالعان اقۋىزى جوعارى ديەتالار بارلىعىنا بىردەي جاراي بەرمەيدى. عالىمداردىڭ زەرتتەۋى كەيبىر ادامدار ءۇشىن ءۇش امينقىشقىلىن قالىپتى مولشەردە شەكتەۋ راسيونداعى ارتىق اقۋىزدان دا كوبىرەك پايدا اكەلۋى مۇمكىن ەكەنىن كورسەتتى. اتاپ ايتقاندا، اقۋىز تۇتىنۋدى ازايتۋ اعزاداعى زات الماسۋدى جاقسارتىپ، جاسۋشالاردىڭ «جوندەۋ» پروسەستەرىن بەلسەندىرەتىنى حابارلانعان.