قازاقستاندا حالىقتىڭ پسيحيكالىق دەنساۋلىعىن ساقتاۋ جۇيەسىن جاڭعىرتۋ جوسپارلانۋدا. 2027–2030 جىلدارعا ارنالعان جاڭا كەشەندى جوسپار سالداردى ەمدەۋدەن الدىن الۋعا، بۇزۋشىلىقتاردى ەرتە انىقتاۋعا جانە ادامعا كومەكتىڭ بارلىق كەزەڭدەرىندە قولداۋ كورسەتۋگە باعىتتالعان، دەپ حابارلايدى inbusiness.kz.
ماسەلە ۇكىمەتتە پرەمەر-مينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆانىڭ توراعالىعىمەن وتكەن كەڭەستە تالقىلاندى. دەنساۋلىق ساقتاۋ ءمينيسترى اقمارال ءالنازاروۆانىڭ ايتۋىنشا، بۇگىندە مامانداندىرىلعان مەديسينالىق-الەۋمەتتىك كومەك ەكى رەسپۋبليكالىق كلينيكادا، 20 وڭىرلىك پسيحيكالىق دەنساۋلىق ورتالىعىندا، 98 العاشقى كومەك ورتالىعىندا جانە 212 اۋىلدىق پسيحيكالىق دەنساۋلىق كابينەتىندە كورسەتىلەدى.
سونىمەن قاتار سالادا امبۋلاتوريالىق كومەك پەن مەديسينالىق وڭالتۋدى دامىتۋ جالعاسۋدا، بالالار پسيحياترياسىنا ارنالعان توسەك-ورىندار سانى ارتىپ، كادرلىق الەۋەت نىعايتىلۋدا. دەگەنمەن، ينفراقۇرىلىمدى جاڭعىرتۋ جانە ماتەريالدىق-تەحنيكالىق بازانى جاڭارتۋ قاجەتتىلىگى ساقتالىپ وتىر.
جاڭا جوسپار ەمحانالار جۇمىسىنا پسيحيكالىق دەنساۋلىق ماماندارىن بىرىكتىرۋدى، ەرتە دياگنوستيكانى دامىتۋدى، پاسيەنتتىڭ جولىن سيفرلاندىرۋدى، كادر دايارلاۋدى كۇشەيتۋدى جانە ينفراقۇرىلىمدى جاڭارتۋدى كوزدەيدى. بالالار مەن جاسوسپىرىمدەرگە قولداۋ كورسەتۋگە ەرەكشە نازار اۋدارىلادى.
سونىمەن قاتار، سالالىق ۆەدومستۆولار عىلىمي زەرتتەۋلەردى دامىتۋ، ماماندار دايارلاۋدى جەتىلدىرۋ، ءبىلىم بەرۋ باعدارلامالارىن جاڭارتۋ، پەداگوگتار مەن پسيحولوگتاردىڭ بىلىكتىلىگىن ارتتىرۋ بويىنشا ۇسىنىستار ۇسىندى. باسىمدىقتار قاتارىندا مۇگەدەكتىگى بار بالالار مەن ەرەسەكتەرگە ارنالعان ارناۋلى الەۋمەتتىك قىزمەتتەر جۇيەسىن جانە ينفراقۇرىلىمدى دامىتۋ بار.