رەسەي پرەزيدەنتى ۆلاديمير پۋتين رەسەيدە موبيليزاسيا قاجەت ەمەستىگىن تاعى دا مالىمدەپ، ۋكراين اسكەرىندە دەزەرتيرلەر سانى كوپ ەكەنىن ايتتى، دەپ حابارلايدى infohub.kz سايتى.
شىعىس ەكونوميكالىق فورۋمىنىڭ (شەف) پلەنارلىق وتىرىسىندا سويلەگەن پۋتين قازىرگى ۋاقىتتا موبيليزاسيا جۇرگىزۋدى تالاپ ەتەتىن سەناري جوق ەكەنىن اتاپ ءوتتى. «بۇگىنگى تاڭدا موبيليزاسيانى قاجەت ەتەتىن سەناري جوق. بۇل — مەملەكەتتىك دۋما سايلاۋى قارساڭىندا ناتيجەلەرگە اسەر ەتۋ ماقساتىندا جاسالىپ جاتقان قارسىلاستىڭ اقپاراتتىق شابۋىلى. بۇل جاي عانا ويلاستىرىلعان اقپاراتتىق وپەراسيا»، — دەدى ول.
رەسەي كوشباسشىسى رەسەيدە اسكەري قىزمەتشىلەر كەلىسىمشارت جاساسىپ، ەرىكتى تۇردە قىزمەتكە تۇسەتىنىن اتاپ ءوتتى. سونىمەن قاتار ول ۋكراينادا، رەسەيدەن ايىرماشىلىعى، ادامداردى «ماجبۇرلەپ مايدانعا جىبەرەتىنىن»، سوندىقتان وندا «دەزەرتيرلەر سانى كوپ ەكەنىن» قوستى. «اسكەري قىزمەتشىلەردىڭ بولۋى تۇرعىسىنان بىزدە ەشقانداي پروبلەما جوق»، — دەپ اتاپ ءوتتى پۋتين.
ەسكە سالايىق، بۇعان دەيىن ۆلاديمير پۋتين مەملەكەتتىك دۋما سايلاۋىنان كەيىن موبيليزاسيانىڭ جاڭا تولقىنى بولۋى مۇمكىن دەگەن قاۋەسەتتەردى جوققا شىعارعان بولاتىن.