ۋكراينا اۋماعىنا ەۋروپالىق اسكەري قۇرامداردى كىرگىزۋ رەسەي فەدەراسياسىمەن سوعىسۋدى بىلدىرەدى. بۇل تۋرالى رەسەي پرەزيدەنتى ۆلاديمير پۋتين مالىمدەدى، دەپ حابارلايدى NUR.KZ ربك-گە سىلتەمە جاساپ، infohub.kz سايتى حابارلايدى.
اگەنتتىك كرەملدىڭ ءباسپاسوز قىزمەتىنە سىلتەمە جاساپ حابارلاعانداي، رەسەي كوشباسشىسى بۇل مالىمدەمەنى ءۇندىستانعا جۇمىس ساپارىنىڭ ءبىرىنشى كۇنىنىڭ قورىتىندىسى بويىنشا جۋرناليستەرگە جاسادى.
«ولار (ەۋروپالىق ەليتا) ءقازىر ءوز حالىقتارىن، ءوز ەلدەرىن نەگە يتەرمەلەپ جاتىر؟ رەسەي فەدەراسياسىمەن سوعىسۋعا ما؟ ءقازىر ولار ۋكراينا اۋماعىنا اسكەر كىرگىزۋدى ويلاستىرىپ جۇرگەندەرىن ايتىپ وتىر. بۇل رەسەيمەن سوعىسۋدى بىلدىرەدى»، — دەدى ۆلاديمير پۋتين.
رەسەي پرەزيدەنتى ەۋروپالىق ەليتا حالىقتى رەسەي تاراپىنان «جوق، استە بولماعان» جالعان قاۋىپپەن قورقىتىپ جاتقانىن اتاپ ءوتتى.
بۇعان دەيىن رەسەي ءسىم بريتاندىق اسكەري نىساندارعا سوققى بەرۋگە دايىن ەكەنىن مالىمدەگەن بولاتىن.