قازاقستاننىڭ ايەلدەر جەكەلەي سىنداعى ەكىنشى راكەتكاسى يۋليا پۋتينسەۆا گامبۋرگتەگى توپىراقتى كورتتاعى WTA 250 تۋرنيرىنەن شىعىپ قالدى، دەپ حابارلايدى infohub.kz.
قازاقستاندىق تەننيسشى يۋليا پۋتينسەۆا (الەمدىك رەيتينگتە 79-ورىندا، جەتىنشى نومىردەن سەبىلگەن) ەكىنشى اينالىمدا ەلينا اۆانەسيانمەن كەزدەستى. ارمەنيانىڭ ەكىنشى راكەتكاسى، الەمدىك رەيتينگتە 208-ورىندا تۇرعان ەلينا اۆانەسيان نەگىزگى جەلىگە ىرىكتەۋ ارقىلى جولداما الدى.
ماچ ءۇش سەتكە سوزىلىپ، پۋتينسەۆا 3:6، 6:2، 2:6 ەسەبىمەن جەڭىلدى. ويىن 2 ساعات 10 مينۋتقا سوزىلدى.
كەزدەسۋ بارىسىندا قازاقستاندىق تەننيسشى ەكى ەيس جاساپ، ءۇش قوسارلى قاتەلىك جىبەرىپ، ون ءبىر برەيك-پوينتتىڭ سەگىزىن ۇتىسقا اينالدىردى.
وسىلايشا، پۋتينسەۆا گەرمانياداعى جارىستاعى ونەرىن اياقتادى. اۆانەسيان شيرەك فينالدا ءتۋرنيردىڭ ءبىرىنشى راكەتكاسى ۋكراينالىق الەكساندرا ولەينيكوۆامەن وينايدى.