اتىراۋ وبلىسىندا ايەلىنىڭ ءتورت تۋىسىن ءولتىردى دەپ ايىپتالعان سۇلتان سارسەماليەۆكە قاتىستى سوت پروسەسى باستالدى. سوت وتىرىسىندا پروكۋرور قىلمىستىڭ ءمان-جايىن ەگجەي-تەگجەيلى باياندادى.
بۇل تۋرالى Infohub.kz اقپارات اگەنتتىگى حابارلايدى.
سارسەمالييەۆ پەن ونىڭ بۇرىنعى ايەلى اقبايان مۇقانعاليەۆا 2016 جىلى اتىراۋدا تانىسىپ، سول جىلدىڭ مامىر ايىندا نەكەگە تۇرعان. بەس بالالى وتباسىندا كەيىننەن كەلىسپەۋشىلىكتەر تۋىنداپ، 2022 جىلى ەرلى-زايىپتى اجىراسىپ كەتكەن. بالالار اناسىمەن بىرگە قالىپ، اقبايان ءۇش بالاسىمەن اتىراۋداعى نۇرسايا شاعىناۋدانىنا كوشىپ بارعان.
قىلمىستىڭ ءمان-جايى
پروكۋروردىڭ ايتۋىنشا، سارسەمالييەۆ قىلمىستىڭ ءىزىن جاسىرۋ ءۇشىن سارايدىڭ ىشىنە شامامەن 1،3 مەتر تەرەڭدىكتە شۇڭقىر قازىپ، مايىتتەردى سوندا كومگەن. كەيىن ءۇستىن لينولەۋممەن جاپقان.
ناۋرىز مۇقانعاليەۆتى ولتىرگەننەن كەيىن، سارسەمالييەۆ تۇندە اۋلادان كۇرەك الىپ، ءۇيدىڭ وڭتۇستىك-باتىس جاعىنداعى قورشاۋ ماڭىنان تەرەڭدىگى ءبىر مەتردەن اساتىن، ەنى شامامەن 80 سانتيمەتر بولاتىن شۇڭقىر قازعان. ودان كەيىن مارقۇمنىڭ جەكە كۋالىگىن، بانك كارتاسىن، Samsung A21 تەلەفونىن جانە 3 مىڭ تەڭگە اقشاسىن الىپ، ءمايىتتى كىلەمگە وراپ، قازىلعان شۇڭقىرعا كومگەن.
شابۋىل كەزىندە ەت تۋرايتىن پىشاق قولدانىلعان. تەرگەۋ مالىمەتتەرى بويىنشا، ءدال وسىنداي تاسىلمەن ناسيپ ۇتەشقاليەۆا دا ولتىرىلگەن.
تەرگەۋ بارىسىندا سارسەماليەۆتىڭ 2023 جىلدىڭ باسىندا بۇرىنعى وتباسىمەن قايتا تاتۋلاسۋعا ارەكەت جاساعانى دا انىقتالدى. ول اتىراۋدان ءۇي جالداپ، بۇرىنعى جۇبايى مەن بالالارىمەن بىرگە تۇرعان.