قاراعاندىدا 8-سىنىپ وقۋشىسىن پىشاق جاراقاتىمەن مەكتەپتەن اۋرۋحاناعا جەتكىزىلدى، دەپ حابارلادى قازاقپارات.
«27 قازاندا ساعات 12.20 «جەدەل جاردەم» قاراعاندىنىڭ № 1 اۋرۋحاناسىنا 13 جاستاعى وقۋشىسى جەتكىزىلدى. ول پىشاقپەن جاراقاتتانعان. وعان دەرەۋ وتا جاسادى. ءقازىر جان ساقتاۋ بولىمىندە. جاعدايى اۋىر، الايدا تۇراقتى»، - دەدى وبلىستىق دەنساۋلىق ساقتاۋ باسقارماسىنىڭ ءباسپاسوز حاتشىسى ايجان يسا.
وبلىستىق ءىىد ءباسپاسوز قىزمەتىندە حابارلاعانداي، كۇدىكتىنى تەز ۇستادى.
«اتالعان فاكت بويىنشا ق ر قك 106-بابى 1ء-بولىمى بويىنشا سوتقا دەيىنگى تەرگەۋ باستالدى.
وكتيابر اۋداندىق پوليسيا ءبولىمىنىڭ قىزمەتكەرلەرى 16 جاستاعى ءجاسوسپىرىمدى ۇستادى. ول كىناسىن مويىندادى. وقيعانىڭ ءمان-جايى انىقتالىپ جاتىر»، - دەدى وبلىستىق ءىىد ءباسپاسوز قىزمەتىنىڭ باسشىسى باقىتجان كۋدياروۆ.
وقىس وقيعا № 34 ورتا مەكتەپتە ورىن الدى. جاپا شەككەننىڭ دوستارى ايتقانداي، دارەتحانا بولمەسىندە 8-سىنىپ وقۋشىسى مەن كوللەدج شاكىرتى اراسىندا داۋ تۋعان. توبەلەس كەزىندە وقۋشى جاراقاتتانعان.