قاراعاندى وبلىسىندا ونداعان دالا ءورتى تىركەلدى: سوڭعى تاۋلىكتە سەگىز وشاق ءسوندىرىلدى، تاعى بەسەۋىمەن كۇرەس جالعاسۋدا، دەپ حابارلايدى infohub.kz سايتى.
قازاقستان رەسپۋبليكاسى توتەنشە جاعدايلار مينيسترلىگىنىڭ Telegram-ارناسىندا ءمالىم ەتكەندەي، قۇتقارۋشىلار قارقارالى، بۇقار-جىراۋ، نۇرا، وساكاروۆ اۋداندارى مەن قاراعاندى قالاسىنىڭ اۋماعىندا سەگىز تابيعي ءورتتى ءسوندىردى. الدىن الا دەرەكتەر بويىنشا، وت 200 گەكتار جەردى شارپىعان.
قازىرگى تاڭدا شەت، بۇقار-جىراۋ جانە قارقارالى اۋداندارىنىڭ تاۋلى-دالالى ايماعىندا قۇرعاق ءشوپ پەن بۇتالاردىڭ تۇتانۋىنا بايلانىستى ورتتەردى ءسوندىرۋ جۇمىستارى جالعاسۋدا.
«ءسوندىرۋ جۇمىستارى قيىن قولجەتىمدى تاۋلى-دالالى رەلەفكە، ورنىققان ىستىق اۋا رايىنا جانە قاتتى ەكپىندى جەلگە بايلانىستى قيىنداپ وتىر. جەلدىڭ سالدارىنان وتتىڭ تارالۋ باعىتى بىرنەشە رەت وزگەردى. ورتتەردى سوندىرۋگە تجم، جەرگىلىكتى اتقارۋشى ورگاندار مەن ورمان شارۋاشىلىقتارىنىڭ 400-دەن استام قىزمەتكەرى جانە 100-دەن استام تەحنيكاسى جۇمىلدىرىلدى»، — دەپ اتاپ ءوتتى ۆەدومستۆودا.
توتەنشە جاعدايلار مينيسترلىگى وپەراتيۆتىك شتابتىڭ تاۋلىك بويى جۇمىس ىستەپ جاتقانىن قوستى. ءورت جاعدايىنا ۇنەمى مونيتورينگ جۇرگىزىلىپ، كۇشتەر مەن قۇرالداردى ۇيلەستىرۋ جۇمىستارى اتقارىلۋدا.