(ي. ا. كرىلوۆتان)

قوي جايىلىپ جازدىگۇن
شىققان ەكەن قياعا.
اسپاننان بۇركىت قۇيقىلجىپ،
سورعالاپ كەلىپ ىراعا،
ءبىر قوزى ءىلىپ اپ كەتتى
قۇزداعى قيىن ۇياعا.
ەكپىنى كۇشتى ەر ءۇشىن،
ەڭبەك قىلدى جەم ءۇشىن
ۇياداعى بالاعا.
كوردى دە مۇنى ءبىر قارعا،
جەلىكتى ءبىر ءىس باستارعا:
"قوزىنى دا تاماق دەپ،
كىم اپ شىقسىن تاستارعا!
ەڭ سەمىزىن ىلەيىن
قىزىق قىلىپ اشارعا"،—
دەدى-داعى، ارالاپ،
جابىستى كەلىپ قوشقارعا.
قالشىلداپ، دىرىلدەپ
تىرناعىن سالادى،
قاناتىن قايقايتىپ،
اكەتپەك بولادى.
بۇركىتتەي ەمەس ەكەنى
كەشىكپەي-اق ءبىلىندى.
جاباعىعا تىرناعى
شىقپاستاي بوپ ءىلىندى.
جالپىلداپ، سالپىلداپ،
قويشىلارعا كورىندى.
ءاددىن بىلمەس شىركىندى
قۇداي ابدەن قارعادى.
قويشىلار كورىپ كۇلىسىپ،
¥ستاپ الدى قارعانى.
قۇرىسىن دا شىركىننىڭ،
سەمىز قويدى العانى.
¥شپاسىن دەپ قيماعان
قانات، ءقۇيرىق قالمادى.
ءبىر ءجىپتى بەرىك بەك بايلاپ،
اياعىنا جالعادى.
بالالارعا ويىن بوپ،
قور بولىپ ءسۇيتىپ قالعانى.
ازات باسىڭ بولسىن قۇل،
قولدان كەلمەس ىسكە ۇمتىل!

---