قازاقستاندا «Qarmet» اق-نا (بۇرىنعى «ارسەلورميتتال تەمىرتاۋ») 1،5 ميلليارد تەڭگەدەن استام شىعىن كەلتىرگەن ۇيىمداسقان قىلمىستىق توپتىڭ 13 مۇشەسىنە قاتىستى ۇكىم شىقتى، دەپ حابارلايدى infohub.kz سايتى.
قاراعاندى وبلىسى پروكۋراتۋراسىنىڭ مالىمەتىنشە، 2026 جىلعى 10 تامىزدا استانا قالاسىنىڭ قىلمىستىق ىستەر جونىندەگى اۋدانارالىق سوتى بارلىق ايىپتالۋشىلاردى اقشا قاراجاتىن جىمقىرۋدا جانە ۇيىمداسقان قىلمىستىق توپقا قاتىسۋدا كىنالى دەپ تانىدى.
سوت انىقتاعانداي، قىلمىستىق سحەما 2021 جىلعى قاڭتاردان 2023 جىلعى جەلتوقسانعا دەيىن جۇمىس ىستەگەن. توپ مۇشەلەرى باسشىلاردىڭ ءبىرىنىڭ جەتەكشىلىگىمەن كاسىپورىنعا تەمىرجول ۆاگوندارىن جەتكىزۋدى ۇيىمداستىرعان. بۇل ۆاگونداردا ساپالى مەتالل سىنىعىنىڭ ورنىنا شلاك، قۇم، قيىرشىق تاس، توپىراق جانە باسقا دا مەتالل ەمەس قوسپالار كوپ بولعان.
«سحەماعا قاتىسۋشىلار رولدەردى الدىن الا بولىسكەن. كەيبىرەۋلەرى ۆاگونداردىڭ كاسىپورىن اۋماعىنا كەدەرگىسىز ءوتۋىن جانە ولاردىڭ جەدەلدەتىلگەن تۇردە ءتۇسىرىلۋىن قامتاماسىز ەتسە، باسقالارى مەتالل سىنىعىنىڭ لاستانۋ كورسەتكىشتەرىن جاساندى تۇردە تومەندەتۋگە ىقپال ەتكەن. وسى ارەكەتتەردىڭ ناتيجەسىندە «Qarmet» اق-نا 1 ملرد 503 ملن 954 مىڭ تەڭگە كولەمىندە شىعىن كەلتىرىلدى»، — دەدى پروكۋراتۋرادا.
مەملەكەتتىك ايىپتاۋشىلار دالەلدەمەلەردى جان-جاقتى جانە وبەكتيۆتى زەرتتەۋدى قامتاماسىز ەتتى. ناتيجەسىندە ايىپتالۋشىلار ءارتۇرلى مەرزىمدەرگە سوتتالدى. ءبىراق قىلمىستىق جاۋاپكەرشىلىك جاسالعان ءىستىڭ جالعىز سالدارى بولمادى.
مەملەكەتتىك ايىپتاۋشىنىڭ ۇستانىمى بويىنشا سوت قىلمىستىق جولمەن تابىلعان م ۇلىكتى مەملەكەت كىرىسىنە اينالدىرۋدى ۇيعاردى. تاركىلەنگەن م ۇلىك قاتارىندا كولىك قۇرالدارى، جىلجىمايتىن م ۇلىك جانە سوتتالعانداردىڭ بانكتىك شوتتارىنداعى اقشا قاراجاتى بار. مەملەكەت كىرىسىنە اينالدىرىلعان م ۇلىكتىڭ جالپى قۇنى شامامەن 1 ملرد تەڭگەنى قۇرادى.
سونداي-اق سوت «Qarmet» اق-نىڭ تالاپ ارىزدارىن قاناعاتتاندىردى. سوتتالعانداردان كەلتىرىلگەن زالالدى وتەۋ ءۇشىن 803 ملن 954 مىڭ 694 تەڭگە بىرلەسىپ ءوندىرىلدى.
ۇكىم زاڭدى كۇشىنە ەنگەن جوق.
ەسكە سالايىق، بۇعان دەيىن Qarmetء-تىڭ بۇرىنعى قىزمەتكەرلەرى مەن مەردىگەر ۇيىمداردىڭ قىزمەتكەرلەرى بولعان 14 ادام ميلليارد تەڭگە جىمقىردى دەگەن كۇدىككە ىلىنگەنى حابارلانعان بولاتىن.