قارسىلىقتى سالالاس قۇرمالاس سويلەم

(ساباق جوسپارىنىڭ ۇلگىسى)
ساباقتىڭ تاقىرىبى: قارسىلىقتى سالالاس قۇرمالاس سويلەم
ساباقتىڭ ماقساتى:
بىلىمدىلىك: قارسىلىقتى سالالاس قۇرمالاس جانە ونىڭ جالعاۋلىقتى، جالعاۋلىقسىز تۇرلەرىنىڭ جاسالۋ جولدارىن مەڭگەرتۋ.
دامىتۋشىلىق: زەيىن، ىنتا قابىلەتتەرىن، وي - ورىستەرىن دامىتۋ، ببد قالىپتاستىرۋ.
تاربيەلىك: مادەنيەتتى سويلەۋگە، تازالىققا، ۇقىپتىلىققا، ساۋاتتىلىققا تاربيەلەۋ.
ساباقتىڭ ءتۇرى: ءداستۇرلى
وقىتۋ ادىستەرى: ءتۇسىندىرۋ، تالداۋ - جيناقتاۋ، ءۇش ولشەمدى وقىتۋ، سيتۋاسيالىق، كىتاپپەن جۇمىس، كورنەكىلىك، توپپەن جۇمىس
كورنەكىلىكتەر: كارتوچكالار، وقۋلىق، ت. ب.
ساباقتىڭ ءتۇرى: ءداستۇرلى ساباق
وقىتۋ ادىستەرى: ءتۇسىندىرۋ، سۇراق - جاۋاپ، كىتاپپەن جۇمىس، پروبلەمالىق، تالداۋ، جەكە جۇمىس ت. ب.
كورنەكىلىكتەر: ينتەراكتيۆتى تاقتا، وقۋلىق، ادەبيەت (8 - سىنىپ) ت. ب.
ءپانارالىق بايلانىس: ادەبيەت
قوسىمشا ماتەريالدار: گ. قوسىموۆا، ن. قۇرمانوۆا قازاق ءتىلى (8 - سىنىپ، ادىستەمەلىك نۇسقاۋ)، ن. ورالباەۆا، ت. ابدىعاليەۆا، ب. شالابايەۆ «پراكتيكالىق قازاق ءتىلى»

ساباقتىڭ بارىسى: 1. ۇيىمداستىرۋ كەزەڭى (امانداسۋ، وقۋشىلاردى تۇگەندەۋ، تاقىرىپتى جانە ماقساتىن حابارلاۋ)

2. ءۇي تاپسىرماسىن تەكسەرۋ
- سەبەپ - سالدار سالالاس قۇرمالاستىڭ جاسالۋ جولدارى؟
- سەبەپ - سالدار سالالاس قۇرمالاس جاسايتىن شىلاۋلار؟ ولاردىڭ ءمانى؟
- تىنىس بەلگىلەرىنىڭ قويىلۋ جاعدايلارى؟
جاتتىعۋلار تەكسەرىلەدى

3. جاڭا ساباق
ا). جاڭا ماتەريالدى ءتۇسىندىرۋ
قۇرامىنداعى جاي سويلەمدەردىڭ بىرىندەگى ءىس، وقيعا ەكىنشىسىندەگى ءىس، وقيعاعا قاراما - قارسى بولاتىن سالالاس قۇرمالاستىڭ ءتۇرىن قارسىلىقتى سالالاس دەيمىز.
قارسىلىقتى سالالاس جالعاۋلىقتى، جالعاۋلىقسىز بولىپ ەكىگە بولىنەدى.
تاقتادا: 1. جالعاۋلىقسىز ق. س.
مىس: جانىبەككە اقساقال شارا تولى قىمىزدى ۇسىنىپ ەدى، - حان باسىن شايقادى. بارشاگۇل سالەم بەرىپ ەدى، - ول قىرىن قاراپ كەتتى (ءۇتىر، سىزىقشا قويىلادى).
2. جالعاۋلىقتى ق. س. ءبىراق، الايدا، دەگەنمەن، سوندا دا، ايتسە دە، جالعاۋلىقتارى ارقىلى جاسالادى.
مىس: كۇڭگىر داۋىس قۇلاعىما كەلەدى، ءبىراق ماعان جاۋاپ قايتارعان ەشكىم جوق. ( ءۇتىر قويىلادى).
انكەش مەنى جىبەرەر ەمەس، سويتسە دە مەن بولماي وقۋعا كەتتىم. ( ءۇتىر قويىلادى).
جاتتىعۋلارمەن جۇمىس
106 - جاتتىعۋ. بەرىلگەن جاي سويلەمدەرگە ويلارىڭنان قاراما - قارسى ءماندى جاي سويلەم جازىپ، قارسىلىقتى سالالاس قۇراڭدار.
107 - جاتتىعۋ. قارسىلىقتى سالالاستىڭ قاي ءتۇرى ەكەنىن انىقتاپ، تىنىس بەلگىلەرىنىڭ قويىلۋ سەبەپتەرىن انىقتاڭدار.
جەكە جۇمىس.
دەڭگەيلىك تاپسىرمالارى بار كارتوچكالار بەرىلەدى.

4. جاڭا ساباقتى بەكىتۋ
- قارسىلىقتى سالالاس؟
- جاسالۋ جولدارى؟
- جالعاۋلىقتى، جالعاۋلىقسىز تۇرلەرىنە مىسالدار كەلتىر.
- تىنىس بەلگىلەرى قالاي قويىلادى؟

5. ۇيگە تاپسىرما
- ەرەجە جاتتاۋ. 105، 108 - جاتتىعۋلار
6. باعالاۋ

استانا قالاسى، №10 مەكتەپ – گيمنازيا
قازاق ءتىلى مەن ادەبيەتى ءپانى ءمۇعالىمى
تۋلەباەۆا ايگۇل قوشقارباي قىزى

قارسىلىقتى سالالاس قۇرمالاس سويلەم. جۇكتەۋ