قارتتار امان بولسىن!

قىزىلوردا وبلىسى،
قازالى اۋدانى، قازالى اۋىلى،
№9 بالاۋسا بالاباقشاسىنىڭ تاربيەشىسى
الپىسباەۆا كۇمىسكۇل ءابدىعاني قىزى
مەكتەپالدى دايارلىق توبى

تاربيە ساعاتىنىڭ تاقىرىبى: قارتتار امان بولسىن!
ماقساتى: بالالارعا جالپى قارتتار تۋرالى تۇسىنىك بەرۋ. تۇسىندىرە وتىرىپ وي - ورىستەرىن كەڭەيتۋ.
ءادىسى: ءتۇسىندىرۋ، كورسەتۋ، اڭگىمەلەۋ.
كورنەكىلىگى: قارتتاردىڭ سۋرەتى
ساباق بارىسى:
ءى. ۇيىمداستىرۋ كەزەڭى
بالالاردىڭ نازارىن ساباققا اۋدارۋ جاڭا ساباقپەن تانىستىرۋ.
ءىى. نەگىزگى ءبولىم
- بالالار قارتتار دەپ وتىرعانىمىز ۇيىمىزدەگى اتا، اجەلەرىمىز. ءبارىمىز اتا - اجەلەرىمىزدى جاقسى كورەمىز بە؟
- اتا، اجەلەردى سىيلاۋ كەرەك، كومەكتەسۋ كەرەك، جولدا كەلە جاتقاندا جول بەرۋ كەرەك.
- ەندى بالالار سەندەرگە مەن «كىشىپەيىلدىلىك – كىشىلىك بەلگىسى » دەگەن اڭگىمە وقىپ بەرەيىن.
اڭگىمەنىڭ كەيىپكەرلەرى - اجەي مەن ونىڭ نەمەرەسى جانە اۆتوبۋستاعى بالا اڭگىمەدەن ءبىز اۆتوبۋستىڭ ءىشى لىق تولى ادامداردىڭ بولعانىن جانە بوس ورىننىڭ جوقتىعىن بىلدىك.

سول كەزدە ءبىر بالانىڭ اجەيگە ءوز ورنىن ۇسىنعانى – سول بالانىڭ جاقسى تاربيەسىنىڭ كورسەتكىشى بولدى. كىشىپەيىل ادام ادامگەرشىلىگى مول مەيىربان بولادى، كىسىگە قول ۇشىن بەرىپ، جاردەمدەسۋگە ءازىر تۇرادى. كىشىپەيىلدىلىك كوپ قوشەمەت تۇتاتىن اسىل قاسيەت بولىپ تابىلادى. سول ءۇشىن حالىق : «كىشىپەيىلدىلىك كىشىلىك ەمەس، كىسىلىك»، - دەپ ونىڭ ءمانىن وتە دۇرىس ايتىپ جەتكىزگەن.

- بالالار اڭگىمەنى تۇسىندىك عوي. سوندا اتا، اجەلەرگە اۆتوبۋستا بولسىن كوشەدە بولسىن ورىن بەرىپ، جول بەرىپ ءجۇرۋ كەرەك. اتا ، اجەلەردى سىيلاۋ كەرەك. ەندى اتامىزعا، اجەمىزگە ارناپ تاقپاقتارىمىزدى ايتىپ بەرەيىك.
1-تاربيەلەنۋشى
اتا - ۇلكەن، كارىمىز،
قۋات بەرەر ءدارىمىز،
اۋليەدەي ايالاپ،
ارداقتايمىز ءبارىمىز.

2- تاربيەلەنۋشى
قارتتار ءجۇرسىن ورتادا،
وتكەندى كورگەن شەجىرە،
امان - ساۋ ءجۇرسىن ءارقاشان،
سىيلاعان باقىت بىزدەرگە

3- تاربيەلەنۋشى
اجەتايىم ، تىرەگىم
كەۋدەمدە سوققان جۇرەگىم.
شاتتانسام شىعىپ قياعا،
قينالسام سەن دە جۇدەدىڭ.

4- تاربيەلەنۋشى
اجەتايىم ، ارداعىم.
بورىشتى وتەۋ ارمانىم.
ۇمىتىلماس مەن ءۇشىن
ۇيقىدان تالاي قالعانىڭ