قارتتارىم، امان-ساۋ ءجۇرشى

بي «شاحريزادا»
1-جۇرگىزۋشى
وتكىزگەن شاكىرتىمەن قىس جازدارىڭ
كوپ پە ەكەن ايتار بىزگە مۇڭ نازدارىڭ
ەڭبەگىمەن بولەنگەن نۇر العىسقا
ارمىسىزدار! ارداگەر ۇستازدارىم!

2-جۇرگىزۋشى
دۇنيەگە كەلەر ءبىر رەت
داريا كەۋدە تاۋ – ءمۇسىن
قۇرىشتاي كۇيگەن قۇدىرەت
قارتتارىم، امان –ساۋمىسىڭ؟
1-جۇرگىزۋشى
وزدەرىڭ بولساڭ جانىندا
ەل ءىشى جومارت، ەڭسەلى
ءدان ءيسى سىڭگەن قانىندا
دالامنىڭ ءبىر-بىر بولشەگى

2-جۇرگىزۋشى
ارداگەرلەر ارداقتى اسىل جاندار
شاكىرتىمەن مەرەيى تاسىعاندار
ءبىلىمنىڭ ساۋلەسى مول نۇر كوشىندە
شۋاق بوپ، شاپاعات بوپ شاشىلعاندار، –دەي وتىرىپ كەشىمىزدى ادەمى انمەن اشقالى وتىرمىز.
اۋداندىق «بالداۋرەن» بايقاۋىنىڭ جەڭىمپازى تۇرسىن سانجاردىڭ ورىنداۋىندا «التىن انا» ءانىن قابىل الىڭىزدار.

1-جۇرگىزۋشى
بۇگىنگى مەرەكەلىك كەشتىڭ قۇتتىقتاۋ ءسوزىن مەكتەبىمىزدىڭ باسشىسى يسايەۆ قورعانبەك رامازان ۇلىنا بەرەمىز.
2-جۇرگىزۋشى
كەلەسى كەزەكتە قوبىزدان حالىقارالىق «كۇنشۋاق» فەستيۆالىنىڭ لاۋرەاتى اتانعان ابدىكاريموۆا جالعاسگۇل ەرلان قىزىن ورتاعا شاقىرامىز. ورىندالاتىن شىعارماسى «يليگاي»
1- جۇرگىزۋشى
ۇستازدىق پەن شاكىرتتىك ادام بالاسى ارا-قاتىناسىنىڭ ەڭ ابزال، ەڭ ماعىنالى، ەڭ ءماندى ءتۇرى. شاكىرت بويىنا قۋات، جانىنا جانىعان جىگەر بىرەۋدەن ەش ايانباعان ارداگەر ۇستازدارىمىزدىڭ ۇستازدىڭ قاسيەتتى جاس بۋىنداعى ۇستازدار ءۇشىن ۇلگى بولاتىندىعى ايقىن .

2- جۇرگىزۋشى
اسا قۇرمەتتى ارداگەر ۇستازدار، سىزدەر قانداي دجا سىي- قۇرمەتكە بولسا دا لايىق جانسىزدار. سىزدەردىڭ ونەگەلى ءومىر جولدارىڭىز بۇگىنگى ۇرپاققا قايتالانباس ۇلگى.
ءقادىرلى ارداگەر ۇستازدار، قازىرگى اسەم بيلەرىمىز سىزدەرگە ارنالادى.

1-جۇرگىزۋشى
نۇر جۇزىنەن جىلى شۋاق توگىلگەن
شاكىرتتەرىن سۇيگەن تازا كوڭىلدەن
تاعىلىم بەرىپ جاس ۇرپاققا قاشان دا
ءوز سوقپاعىن تاپقان مىناۋ ومىردەن

2-جۇرگىزۋشى
ىزگىلىكتى ون بويىنا جيناعان
شاكىرتتەرگە جان جىلۋىن سىيلاعان
تاربيەلەپ جاڭا ادامىن وتاننىڭ
ارداقتىسى بولعان ەلدىڭ ءمۇعالىم

1-جۇرگىزۋشى
شاكىرتتەردىڭ تىڭداپ جازىپ، سۇراعىن
جاس سىناعا توگىپ ءبىلىم شۋاعىن
حات تانىتىپ، جول سىلتەگەن ومىرگە
بارشا جۇرتقا قۇرمەتتى ول ءمۇعالىم.
شاكىرتتەرىن ەلىنە ابىرويلى، حالقىنا سىيلى، ادال، شىنشىل ازامات ەتىپ شىعارامىن دەپ، ءار شاكىرتىن ايالاپ ءوسىرىپ، ءومىر اتتى شەكسىز عالامعا توپشاسىن قاتايتىپ ەڭبەك ەتكەن ارداگەر ۇستازدارىمىزعا العىسىمىز شەكسىز. وسىنداي حالىقتىڭ ىستىق ىقىلاسىنا بولەنىپ، ەڭبەك ەتكەن ارداقتى ۇستازدارىمىزعا زور دەنساۋلىق وتباسىلارىنا اماندىق تىلەيمىز.