قارتتارىم - اسىل قازىنام

تاقىرىبى: قارتتارىم - اسىل قازىنام
ماقساتى:
وقۋشىلاردىڭ بويىنا حالقىمىزدىڭ ءقادىر - قاسيەتىن ءسىڭىرۋ، ۇلكەندى سىيلاي بىلۋگە، ءوز اتا - باباسىن ۇمىتپاي ەستە ساقتاۋعا جانە اتالى سوزدەن عيبرات الۋعا تاربيەلەۋ.
كورنەكىلىگى: ينتەراكتيۆتى تاقتا، ناقىل سوزدەر جازىلعان پلاكاتتار

ءجۇرۋ بارىسى:
I. نەگىزگى ءبولىم
كىرىسپە. ءمۇعالىم ءسوزى
كوپ جاساعان قاريا،
اقىلى تەڭىز - داريا.
كوپ ونەگە ءسوزى بار،
ءسوزى سوقپاق، ءسوزى ءنار.

اتا سالتى ارداقتى،
ءاربىر ءسوزى سالماقتى.
سول سوزدەردى ۇقپاساڭ،
تىستەرسىڭ ءبىر كۇن بارماقتى.

قىمباتتى اق جاۋلىقتى اجەلەر مەن اقىلدىڭ كەنىن ارقالاعان ايبىندى اتالار، ۇستازدار، وقۋشىلار 3 - سىنىپ وقۋشىلارىنىڭ قاتىسۋىمەن 1 قازان - قارتتار كۇنىنە وراي ۇيىمداستىرىلعان «قارتتارىم - اسىل قازىنام» اتتى تاربيە ساعاتىمىزعا قوش كەلدىڭىزدەر!
مەرەكەڭىز قۇتتى بولسىن اتا - اپا!
كوكىرەكتەن جىر توگىلمەي جاتا ما؟
زەينەتىنە جەتىڭىزدەر ءومىردىڭ،
كەنەلىپ ءبىر ءىلتيپاتتى باتاعا.
ورتامىزدا جۇرگەن قاريالارىمىزدىڭ ءبىر كەزدە ەلى، حالقى، كەلەشەك ۇرپاعى ءۇشىن جاساعان يگى ىستەرى ەرەكشە ورىن الادى. قازىرگى كەزدە ءبىزدىڭ مەملەكەتىمىزدە قارتتارعا ۇلكەن ءمان بەرىپ، كوڭىل اۋدارىپ، جان - جاقتى ۇكىمەت تاراپىنان قامقورلىق جاسالۋدا. قازاقستاننىڭ ءوسىپ - وركەندەۋىنە، ەلىمىزدىڭ بەيبىتشىلىك تىنىش ءومىر كەشۋىنە ءوز ۇلەستەرىن قوسقان وسى ارداقتى دا اياۋلى قارتتارىمىزدىڭ ارقاسى دەپ ەسەپتەيمىز. مىنە، ەندى قارتتار كۇنى سانالى عۇمىرلارىن وتان دەپ، تىنىمسىز ەڭبەكتەرىمەن مەملەكەتىمىزدىڭ نەگىزىن سالۋعا جول اشقان الدىڭعى بۋىن اتا - اجەلەرىمىزدىڭ ءتول مەرەكەسى. ولاردىڭ ءومىر جولدارى بۇگىنگى ۇرپاققا تابىلماس قازىنا.
1 قوناق.
قارت كىسىنى قۇت - بەرەكە دەپ تانىساق - ول ۇرپاق كورەگەندىگى. ۇرپاعى قۇرمەتتەگەن اتا - انا ءار كەزدە دە باقىتتى.
ءبىزدىڭ ءبارىمىزدىڭ اتا - اجەلەرىمىز بار. سولاردىڭ ءبىرى امانتۋرليەۆا وڭايشا اجەمىز بۇگىن بىزدە قوناقتا.
2قوناق.
سونىمەن قاتار
ەركەلەسەم ك ۇلىمدەيتىن،
ۇرىسقانى بىلىنبەيتىن،
ماڭدايىمنان يىسكەپ مەنى
«ق ۇلىنشاعىم، كۇنىم»دەيتىن. اۋبەكەروۆا قارىلعا اجە بىزدە قوناقتا.
قوش كەلدىڭىزدەر!

ءقادىرلى اجەلەر بۇگىنگى مەرەكەلەرىڭىزبەن شىن جۇرەكتەن قۇتتىقتايمىز. سىزدەر جاس ۇرپاققا ءارقاشان توزىمدىلىكتىڭ، دانالىقتىڭ ۇلگىسى بولىپ كەلەسىزدەر. سىزدەرگە زور دەنساۋلىق، ۇزاق عۇمىر تىلەيمىز.
ءبىزدىڭ بۇگىنگى تاربيە ساعاتىمىز ءۇش بولىمنەن تۇرادى
1. نەگىزگى ءبولىم
كىرىسپە. ءمۇعالىم ءسوزى
2. جىرىمدى سىزگە ارنايمىن
وقۋشىلاردىڭ جىر شۋماقتارى، كونسەرتتىك باعدارلاما
3. مەن اتامنىڭ جالعاسىمىن
قورىتىندى. باتا تىلەك.
حالقىمىزدا «بالا دەگەن بال ەكەن» دەگەن ءسوز بار.
بالا، نەمەرە تۋرالى اقىن مۇزافار الىمبايەۆ بىلاي دەيدى.
بالا دەگەن بال ەكەن،
بال دەگەنىڭ بالا ەكەن.
نەمەرەنىڭ بويىندا،
بار جاقسىلىق بار ەكەن.
تۋعان بالاڭ جاي عانا،
دەمەسەڭ دە جات بوتەن،
ناعىز بالا ويلاساڭ.
«نەمەرە» ەكەن ءتاتتى ەكەن. دەگەندەي، كەلەسى كەزەكتى
وقۋشىلاردىڭ اتا - اجەلەرىنە دەگەن جىر شۋماقتارىنا بەرەلىك.

1 - وقۋشى ( نۋراي 3.)
اجەم مەنىڭ ءاماندا
«ادەپتى جان بول» دەگەن.
اتا ءسوزى سانامدا
جاسى ۇلكەنگە جول بەرەم.
الدىن وراپ كىسىنىڭ
كەسىپ وتپە كولدەنەڭ
ىزەتىمەن كىشىنىڭ
سالەمدەسىپ قول بەرەم.

2 - وقۋشى (نۇرداۋلەت س. )
مەنىڭ اجەم، اق اجەم.
ۇل مەن قىزدىڭ باعى اجەم.
ەرتەگى ايتىپ بەر دەسەم،
ايتىپ بەرەدى تاعى اجەم.

3 - وقۋشى: (نۇرگۇل 3.)
مەنىڭ اجەم، گۇل اجەم،
التىن اجەم، نۇر اجەم.
انام ءۇشىن، مەن ءۇشىن،
ناعىز اجەم، ءتىل اجەم.
4 - وقۋشى: ( يسا 3.)
مەنىڭ اجەم - بۇل اجەم.
ايتقان ءسوزى ءدال اجەم.
امان بولسا كورەدى
قىزىعىمدى ءالى اجەم.
اتاڭ بولسا اناڭمەن -
التىننان سوققان قورعانىڭ.
ساناڭ بولسا اقىلدى،
ەشكىمنەن كەم بولمادىڭ.
ءىنىڭ بولسا ماقتانىش -
سەمسەر، قىلىش بىلەگىڭ.
اقىلدى قىز، اقىلدى ۇل -
وكپە - باۋىر، جۇرەگىڭ...

اتىراۋ قالاسى، ش. ءۋاليحانوۆ اتىنداعى
ورتا مەكتەپتىڭ باستاۋىش سىنىپ ءمۇعالىمى
داۋلەتياروۆا سايرانگۇل


تولىق نۇسقاسىن جۇكتەۋ