ورمان شەتىندە دومالانىپ بارا جاتقان كىرپىنى اش قاسقىر باس سالادى. سول كەزدە كىرپىنىڭ ينەلەرى قانجارداي قادالىپ، قاسقىردىڭ تۇمسىعى مەن تاماعى قانعا بويالادى. ءوزىنىڭ وزبىرلىعىن، قوماعايلىعىن سەزدىرگىسى كەلمەگەن قاسقىر:
— بەتىڭنەن سۇيەيىن دەپ ەدىم. سەن-اق تۇرپىلەرىڭدى تاستاماي جۇرەدى ەكەنسىڭ ءومىرى، – دەپ، سىلتاۋراتادى.
كىرپى تۇرپىلەرىنىڭ اراسىنان بىزدەي تۇمسىعىن شىعارىپ تۇرىپ، سىقىلىقتاي كۇلەدى دە:
— اسىقپا، قاسەكەسى، سەنىڭ ازۋ ءتىسىڭ تۇگەل ءتۇسىپ بىتكەن كەزدە، مەن دە تۇرپىلەرىمدى تاستايمىن، – دەيدى.