تجم قىزمەتكەرلەرى بۇقتىرما سۋ قويماسىنان جاعالاۋعا وزدىگىنەن شىعا الماعان ەكى ايەلدى ەۆاكۋاسيالادى، دەپ حابارلايدى infohub.kz.
ۆەدومستۆونىڭ ءباسپاسوز قىزمەتىنىڭ مالىمەتىنشە، شقو التاي اۋدانىنداعى سولدات شىعاناعىنان سۋداعى وقيعا تۋرالى دابىل 112 پۋلتىنە تۇسكەن.
انىقتالعانداي، بۇقتىرما سۋ قويماسىندا كۇردەلى جاعدايعا تاپ بولعان دەمالۋشىلارعا جەدەل قىزمەتتەردىڭ كومەگى قاجەت بولعان.
«قايىقتا جاعالاۋعا وزدىگىنەن قايتا المايتىن ەكى ايەل بولعان. تجد بولىمشەلەرى كەلگەنگە دەيىن كۋاگەرلەر زارداپ شەككەن ايەلگە جاعالاۋعا شىعۋعا كومەكتەسىپ، ونى جەدەل جاردەم بريگاداسىنا تاپسىرعان»، — دەلىنگەن حابارلامادا.
وقيعا ورنىنا جەتكەن قۇتقارۋشىلار ەكى ايەلدى دە جانە ولاردىڭ قايىعىن جاعالاۋعا شىعارىپ، ەۆاكۋاسيالادى.
ايەلدەرگە مەديسينالىق كومەك قاجەت بولمادى.