قازاقستانعا 40 گرادۋستىق اپتاپ ىستىقتان كەيىن كوپتەن كۇتكەن سالقىن اۋا رايى كەلەدى. «قازگيدرومەت» سينوپتيكتەرى الداعى كۇندەرى ەلدىڭ باسىم بولىگىندە جاڭبىر، نايزاعاي جانە بۇرشاق جاۋاتىنىن ەسكەرتەدى، دەپ حابارلايدى infohub.kz سايتى.
اۋا رايىنىڭ كۇرت وزگەرۋىنە جىلى جانە سۋىق اۋا ماسسالارىنىڭ سوقتىعىسۋى سەبەپ بولادى. بولجام بويىنشا، رەسپۋبليكانىڭ باسىم بولىگىندە نايزاعايلى قاتتى جاڭبىر، داۋىلدى جەل جانە بۇرشاق جاۋادى. تەك باتىس وڭىرلەر مەن قىزىلوردا وبلىسىندا جاۋىن-شاشىن كۇتىلمەيدى. ەلدىڭ باتىسىندا، سولتۇستىك-باتىسىندا، سولتۇستىگىندە جانە ورتالىعىندا تۇندە جانە تاڭەرتەڭ تۇمان ءتۇسۋى مۇمكىن.
ەڭ قاتتى جاۋىن-شاشىن 15 تامىزدا قوستاناي وبلىسىندا، ال 16 تامىزدا سولتۇستىك قازاقستان، اقمولا جانە پاۆلودار وبلىستارىندا كۇتىلەدى.
تەمپەراتۋرالىق فون دا ايتارلىقتاي وزگەرەدى. قازاقستاننىڭ باتىسىندا كۇندىز اۋا تەمپەراتۋراسى +18…+26-دان +25…+33 گرادۋسقا دەيىن كوتەرىلەدى. اقتوبە وبلىسىندا +20…+30 گرادۋس تۇراقتى اۋا رايى ساقتالادى. قوستاناي جانە سولتۇستىك قازاقستان وبلىستارىندا تۇندە تەرمومەترلەر +7…+12 گرادۋسقا دەيىن تومەندەيدى. اقمولا جانە پاۆلودار وبلىستارىندا كۇندىز +30…+35-تەن +17…+25 گرادۋسقا دەيىن بولجانۋدا. ورتالىق جانە شىعىس اۋدانداردا دا قاتتى ىستىق باسىلادى. وڭتۇستىكتە +38…+44 گرادۋسقا دەيىن اپتاپ ىستىق ساقتالادى، ال وڭتۇستىك-شىعىستا كۇندىز +34…+36 گرادۋس بولادى.
بۇعان دەيىن «كۋرسيۆ» 14 تامىزدا قازاقستاننىڭ ءبىرقاتار وڭىرىندە +41 گرادۋسقا دەيىن ىستىق جانە بۇرشاق كۇتىلگەنىن حابارلاعان بولاتىن.