29 شىلدەدە قازاقستاننىڭ باسىم بولىگىندە اۋا رايى تۇراقسىز بولىپ قالادى: جاڭبىر مەن نايزاعاي، كەي جەرلەردە بۇرشاق، ال ءبىرقاتار وڭىردە اۋا تەمپەراتۋراسى +44 گرادۋسقا دەيىن كوتەرىلەدى، دەپ حابارلايدى infohub.kz.
اتموسفەرالىق فرونتتاردىڭ وتۋىنە بايلانىستى ەلىمىزدىڭ وڭتۇستىگىنەن باسقا بارلىق دەرلىك ايماعىندا جاڭبىر مەن نايزاعاي كۇتىلەدى. رەسپۋبليكا بويىنشا جەلدىڭ كۇشەيۋى كۇتىلسە، وڭتۇستىك-باتىس پەن وڭتۇستىكتە كەي جەرلەردە شاڭدى داۋىل بولۋى مۇمكىن.
ەڭ ىستىق اۋا رايى ماڭعىستاۋ وبلىسىندا: +43…+44 گرادۋس. اتىراۋ، اقتوبە جانە قوستاناي وبلىسىنىڭ وڭتۇستىگىندە اۋا +40…+43 گرادۋسقا دەيىن جىليدى. قىزىلوردا مەن تۇركىستان وبلىسىندا +40…+42 گرادۋس. باتىس قازاقستان، قوستاناي، الماتى، اقمولا، قاراعاندى، سولتۇستىك قازاقستان، سونداي-اق ۇلىتاۋ جانە جەتىسۋ وبلىستارىندا تەرمومەتر باعاندارى +35…+38 گرادۋسقا كوتەرىلەدى.
سينوپتيكتەر بىرنەشە وڭىردە ءورت ءقاۋىپىنىڭ جوعارى جانە توتەنشە دەڭگەيدە ەكەنىن ەسكەرتەدى. ەڭ كۇردەلى جاعداي قىزىلوردا، جامبىل، اتىراۋ، تۇركىستان وبلىستارىندا، سونداي-اق جەتىسۋ، قاراعاندى، الماتى، شىعىس قازاقستان، پاۆلودار، اقتوبە، ماڭعىستاۋ، قوستاناي، اقمولا، باتىس قازاقستان، اباي جانە ۇلىتاۋ وبلىستارىنىڭ جەكەلەگەن اۋداندارىندا كۇتىلەدى.
اقتوبە، باتىس قازاقستان، سولتۇستىك قازاقستان، اقمولا، شىعىس قازاقستان جانە اباي وبلىستارىنىڭ سولتۇستىگىندە، شىعىسىندا جانە باتىسىندا نايزاعاي، بۇرشاق، قاتتى جەل (20–25 م/س دەيىن) كۇتىلەدى. جەتىسۋ مەن الماتى وبلىسىنىڭ تاۋلى اۋداندارىندا قىسقا مەرزىمدى جاڭبىر مەن نايزاعاي، شىعىس قازاقستان وبلىسىندا كەي جەرلەردە قاتتى جاڭبىر جاۋادى. ماڭعىستاۋ مەن تۇركىستان وبلىستارىندا شاڭدى داۋىل بولادى. پاۆلودار، قاراعاندى، اتىراۋ جانە باسقا دا ءبىرقاتار وڭىردە قىسقا مەرزىمدى جاڭبىر، نايزاعاي جانە جەلدىڭ كۇشەيۋى كۇتىلەدى.
ەلدىڭ بارلىق دەرلىك وڭىرىندە داۋىلدى ەسكەرتۋ جاريالاندى. تۇرعىندارعا اۋا رايى بولجامىن ەسكەرۋ، ءورت قاۋىپسىزدىگى شارالارىن ساقتاۋ، قاتتى جەل، نايزاعاي جانە توتەنشە ىستىقتا اباي بولۋ ۇسىنىلادى.