قازاقستان ازاماتتىعىن الۋعا قويىلاتىن تالاپتار وزگەردى،-دەپ حابارلايدى ينفوحاب
قازاقستان ازاماتتىعىن الۋ ەمتيحانىنا قاتىستى جاڭا ەرەجە كۇشىنە ەندى. عىلىم جانە جوعارى ءبىلىم مينيسترلىگىنىڭ بۇيرىعىنا سايكەس، تالاپكەرلەرگە قويىلاتىن باللدىق جۇيە قايتا قارالدى.
جاڭا تالاپتار مىناداي:
مەملەكەتتىك ءتىلدى (قازاق ءتىلىن) قاراپايىم دەڭگەيدە ءبىلۋى — كەمىندە 15 بالل (بۇرىن 36 بالل ەدى)؛
قازاقستان رەسپۋبليكاسىنىڭ كونستيتۋسياسى نەگىزدەرىن ءبىلۋى — كەمىندە 20 بالل (بۇرىن 9 بالل بولاتىن)؛
قازاقستان تاريحى بويىنشا تالاپ وزگەرىسسىز قالدى — 15 بالل.
بۇل وزگەرىستەر 2025 جىلعى 26 تامىزدان باستاپ رەسمي تۇردە قولدانىسقا ەنگىزىلدى.
مينيسترلىك بۇل قادامدى ازاماتتىق الۋعا ءوتىنىش بەرۋشىلەردىڭ ءبىلىمىن ءادىل باعالاۋ جانە ءتىل مەڭگەرۋ دەڭگەيىن ناقتىلاۋ ماقساتىندا جاسالعانىن اتاپ ءوتتى.