1 قازاندا قازاقستاننىڭ ءبىرقاتار وڭىرىندە داۋىلدى ەسكەرتۋ جاريالاندى. سينوپتيكتەر جاڭبىر، نايزاعاي، تۇمان جانە قاتتى جەل بولادى دەپ بولجاپ وتىر، كەي جەرلەردە ءورت ءقاۋپى جوعارى ءارى توتەنشە دەڭگەيدە ساقتالادى، دەپ حابارلايدى infohub.kz سايتى.
استانادا وڭتۇستىك-شىعىس جەلدىڭ ەكپىنى 15-18 م/س جەتەدى. ءورت ءقاۋپى جوعارى دەڭگەيدە ساقتالادى.
الماتىدا كەشكە قىسقا مەرزىمدى جاڭبىر مەن نايزاعاي بولادى. قالادا ءورت ءقاۋپى توتەنشە دەڭگەيدە.
الماتى وبلىسىندا تاڭەرتەڭ جانە كۇندىز سولتۇستىكتە، وڭتۇستىكتە جانە تاۋلى اۋدانداردا قىسقا مەرزىمدى جاڭبىر مەن نايزاعاي كۇتىلەدى. وڭتۇستىك-باتىس جەل سولتۇستىك-باتىسقا اۋىسادى، شىعىستا جانە تاۋلاردا ەكپىنى 15-20 م/س جەتەدى. وبلىس بويىنشا ءورت ءقاۋپى توتەنشە، شىعىستا جوعارى دەڭگەيدە ساقتالادى.
جامبىل وبلىسىندا جاڭبىر مەن نايزاعاي باتىستا، سولتۇستىكتە، وڭتۇستىكتە جانە تاۋلى اۋدانداردا كۇتىلەدى. كۇندىز تاۋلاردا قاتتى جاڭبىر، بۇرشاق جانە داۋىل، تۇندە جانە تاڭەرتەڭ تۇمان بولادى. وڭتۇستىك-باتىس جەل تۇندە تاۋلى اۋدانداردا، كۇندىز وڭتۇستىك-باتىستا، سولتۇستىك-شىعىستا جانە تاۋلاردا 15-20 م/س-قا دەيىن كۇشەيىپ، ەكپىنى 23 م/س جەتەدى. ءورت ءقاۋپى توتەنشە دەڭگەيدە ساقتالادى.
اقمولا وبلىسىندا جاڭبىر مەن نايزاعاي كۇتىلەدى. وڭتۇستىك-شىعىس جانە شىعىس جەلدىڭ ەكپىنى باتىستا، وڭتۇستىكتە جانە شىعىستا 15-20 م/س بولادى. شىعىستا جانە ورتالىقتا ءورت ءقاۋپى جوعارى، سولتۇستىكتە جانە وڭتۇستىكتە توتەنشە دەڭگەيدە ساقتالادى.
سولتۇستىك قازاقستان وبلىسىندا دا جاڭبىر مەن نايزاعاي بولجانادى. تۇندە جانە تاڭەرتەڭ باتىستا جانە سولتۇستىكتە تۇمان كۇتىلەدى. كۇندىز وڭتۇستىك-شىعىس جەلدىڭ جىلدامدىعى 15-20 م/س جەتەدى.
قوستاناي وبلىسىندا تاڭەرتەڭ جانە كۇندىز وڭتۇستىكتە جانە شىعىستا جاڭبىر مەن نايزاعاي كۇتىلەدى. تۇندە جانە تاڭەرتەڭ باتىستا جانە سولتۇستىكتە تۇمان بولۋى مۇمكىن. سولتۇستىك-شىعىس جەلدىڭ ەكپىنى وڭتۇستىكتە جانە شىعىستا 15-20 م/س جەتەدى. وڭتۇستىكتە ءورت ءقاۋپى جوعارى دەڭگەيدە ساقتالادى.
پاۆلودار وبلىسىندا تۇمان بولجانادى. كۇندىز وڭتۇستىكتە شىعىس جەل 18 م/س-قا دەيىن كۇشەيەدى. وبلىس بويىنشا ءورت ءقاۋپى جوعارى، سولتۇستىكتە جانە وڭتۇستىكتە توتەنشە دەڭگەيدە.
اباي وبلىسىندا تۇندە جانە تاڭەرتەڭ ورتالىقتا تۇمان كۇتىلەدى. سولتۇستىك جانە سولتۇستىك-شىعىس جەل وڭتۇستىك-باتىستا جانە سولتۇستىكتە 15-20 م/س-قا دەيىن كۇشەيەدى. سولتۇستىكتە جانە ورتالىقتا ءورت ءقاۋپى جوعارى، سولتۇستىك-باتىستا، وڭتۇستىكتە جانە شىعىستا توتەنشە دەڭگەيدە ساقتالادى.
شىعىس قازاقستان وبلىسىندا تۇندە جانە تاڭەرتەڭ سولتۇستىكتە تۇمان بولجانادى. سولتۇستىك-شىعىس جەل سولتۇستىك-باتىسقا اۋىسادى، كۇندىز سولتۇستىك-باتىستا جىلدامدىعى 15-18 م/س جەتەدى.
قىزىلوردا وبلىسىندا ەكپىنى 15-20 م/س جەل كۇتىلەدى. وبلىس بويىنشا ءورت ءقاۋپى توتەنشە، ورتالىقتا جوعارى دەڭگەيدە ساقتالادى.
اتىراۋ وبلىسىندا ءورت ءقاۋپى جوعارى، وڭتۇستىكتە توتەنشە دەڭگەيدە ساقتالادى. ماڭعىستاۋ وبلىسى مەن اقتوبە وبلىسىندا ءورت ءقاۋپى جوعارى بولىپ قالا بەرەدى.
بۇعان دەيىن «كۋرسيۆ» 1-3 قازاندا قازاقستاننىڭ باتىسىندا جاڭبىر ارالاس قار جاۋىپ، سۋىق بولادى دەپ جازعان: تۇندە تەمپەراتۋرا -1…-6°C-قا دەيىن تومەندەپ، كۇندىز +3…+8°C بولادى.