تاقىرىبى: «قازاقستان - دوستىق مەكەنى» اتتى سۋرەت كورمەسى
ماقساتى: بىلىمدىلىك: جاس ۇرپاقتى وتانىن سۇيۋگە، ەلىمىزدىڭ رامىزدەرىن قاستەرلەۋگە، باي - قۋاتتى ەل ەكەندىگىن ماقتان ەتۋگە ۇيرەتىپ، تۋعان ەلىنە، جەرىنە دەگەن سۇيىسپەنشىلىگىن ارتتىرىپ، ماحاببات سەزىمىن وياتۋ؛
دامىتۋشىلىق: وتانىن، تۋعان جەرىن قورعاي بىلۋگە، حالقىمىزدىڭ تالانتتى اقىندارىنىڭ ولەڭدەرى مەن اتا - بابالارىمىزدىڭ ونەگە ەتىپ قالدىرعان دانالىق سوزدەرى ارقىلى وقۋشىلاردى ۇلتجاندىلىققا، اتا مەكەنىن كوزدىڭ قاراشىعىنداي ساقتاي بىلۋگە، پاتريوتتىق سەزىمگە تاربيەلەۋ؛
تاربيەلىك: ويلارىن جۇيەلى تۇردە جەتكىزە ءبىلۋ، شىعارماشىلىقپەن جۇمىس جاساپ، مانەرلەپ ولەڭ وقىپ، ماعىناسىن تۇسىنە ءبىلۋ داعدىلارىن دامىتۋ.
كورنەكىلىگى: ەلباسى سۋرەتى، قازاقستان رەسپۋبليكاسىنىڭ كارتاسى، رامىزدەر، اۆتورلارىنىڭ سۋرەتتەرى، قاناتتى سوزدەر، گۇلدەر.
ءادىسى: سۇراق - جاۋاپ، اڭگىمەلەۋ، تۇسىندىرمەلى، كورنەكىلىك
فورماسى: سۋرەت كورمەسى
تاربيە ءۇردىسى: ازاماتتىق، پاتريوتتىق جانە پوليمادەنيەتتىك تاربيە بەرۋ.

بارىسى: ءى ۇيىمداستىرۋ كەزەڭى
( وقۋشىلاردى دوڭگەلەتىپ وتىرعىزۋ)
وقۋشىلاردى دوڭگەلەنتە وتىرعىزىپ، ساباقتىڭ تاقىرىبىمەن تانىستىرامىن.
- بالالار، ءبىزدىڭ وتانىمىز قالاي اتالادى ەكەن؟
- قازاقستان
- قازاقستان جەرى قانداي؟
- قازاقستان جەرى ۇلكەن، ادەمى، ءارى باي.
- قازاقستان قانداي مەملەكەت؟
- دۇرىس، تاۋەلسىز، كوپۇلتتى، ەگەمەندى، تاتۋ مەملەكەت
- ال، سەندەر قانداي مەكتەپتە وقيسىڭدار؟
- نەلىكتەن ۇلتتىق مەكتەپ دەپ اتالادى؟
- ءبىزدىڭ مەكتەپتە قانداي ۇلتتار وقيدى؟
بالالار بىزدە وسى اپتا – تىلدەر اپتالىعى دەپ اتالادى. سوندىقتان ءبىز سەندەرمەن ءبىز بۇگىن « قازاقستان - دوستىق مەكەنى» تاقىرىبىندا سۋرەت كورمەسىن وتكىزگەلى وتىرمىز
- وسى ايتىلعان ويلارىمىزدىڭ دۇرىستىعىنا كوز جەتكىزۋ ءۇشىن ءقازىر مىناداي قازاقستان تۋرالى شاعىن كينوفيلم كورسەك.
(قازاقستان تۋرالى فيلم كورسەتۋ)
- بالالار مۇمكىن قازاقستان تۋرالى ولەڭ بىلەدى شىعارمىز؟
- كانە، كىم بىلەدى؟
- كانە، ومىربەك؛ وتان - جەرىم، وتان - سۋىم،
وتان - قۋات، ءنار بەرەدى.
وتان - ۇران، وتان - تۋىم،
وتان ماڭگى گۇلدەنەدى.

- جارايسىڭدار بالالار، ەندەشە «قازاقستان - دوستىق مەكەنى» اتتى سۋرەت سالۋىمىزدى باستايىق.
قورىتىندى:
قازاقستان - سەن زاڭعار بيىكسىڭ، كەڭسىڭ.
ءبىز - تاۋەلسىز قازاق ەلىنىڭ ەڭ جاس جەتكىنشەكتەرىمىز.
سوندىقتان ءوز جەرىمىزدى، ءوز ەلىمىزدى، اكەلەرىمىز بەن اتالارىمىز سياقتى قادىرلەۋگە، سۇيۋگە، قورعاۋعا ءتيىستى ەكەنىمىزدى ەستەن شىعارمايىق دەگىم كەلەدى.
وقۋشىلار سىزدەرگە كوپ - كوپ راحمەت.
ساۋ بولىڭىزدار!