قازاقستاننىڭ ەرلەر قۇراماسى حوككەيدەن سلوۆەنيامەن وتكىزگەن جولداستىق كەزدەسۋىندە جەڭىس تويلادى. پولشانىڭ تىحى قالاسىندا وتكەن بۇل كەزدەسۋدە ءبىزدىڭ كوماندا 2:1 ەسەبىمەن باسىمدىق تانىتتى. بۇل ويىن 2026 جىلعى الەم چەمپيوناتى قارساڭىنداعى ماڭىزدى جاتتىعۋ بولدى.
بۇل تۋرالى Infohub.kz اقپارات اگەنتتىگى حابارلايدى.
ماچ بارىسى
كەزدەسۋدە العاشقى شايبانى سلوۆەنيالىق مارك سەۆەر 36-شى مينۋتتا سوقتى. الايدا، قازاقستاندىق دميتري برەۋس 39-شى مينۋتتا ەسەپتى تەڭەستىردى. ويىننىڭ سوڭىنا قاراي، 58-مينۋتتا رومان ستانچەنكونىڭ سوققان شايباسى ءبىزدىڭ قۇرامامىزعا جەڭىس سىيلادى. بۇل گولعا ۆسەۆولود لوگۆين مەن اركادي شەستاكوۆ ناتيجەلى پاس بەردى.
الەم چەمپيوناتتارىنا دايىندىق
سلوۆەنيا قۇراماسى بيىل شۆەيساريادا وتەتىن الەم چەمپيوناتىنىڭ ەليتالىق ديۆيزيونىندا ونەر كورسەتەدى. ال قازاقستان IA ديۆيزيونىندا ب ا ق سىنايدى. بۇل تۋرنير پولشادا 2-8 مامىر ارالىعىندا وتەدى. تالعات جايلاۋوۆ شاكىرتتەرى فرانسيا، ۋكراينا، جاپونيا، پولشا جانە ليتۆا قۇرامالارىمەن كەزدەسەدى.