جاپونيادا ءوتىپ جاتقان جازعى ازيا ويىندارىندا ەرلەر اراسىنداعى وق اتۋدان قازاقستان قۇراماسى كوماندالىق ەسەپتە ۇزدىك تورتتىككە كىرە الماي، بەسىنشى ورىندا قالدى. بۇل تۋرالى infohub.kz سايتى حابارلايدى.
«كىشى كاليبرلى ۆينتوۆكامەن 50 مەتر قاشىقتىقتان ءۇش قالىپتان اتۋ» جاتتىعۋىندا ۇلتتىق قۇراما ساپىندا يسلام ساتپايەۆ، كونستانتين مالينوۆسكي جانە نيكيتا شاحتورين سىنعا ءتۇستى. جارىس قورىتىندىسى بويىنشا قازاقستاندىق سپورتشىلار 1746 ۇپاي جيناپ، بەسىنشى ساتىعا تۇراقتادى. سونداي-اق ولاردىڭ ەنشىسىندە ىشكى وندىققا 79 تيۋ بار.
ازيادا چەمپيونى اتانعان جۇڭگو قۇراماسى 1766 ۇپاي كورسەتتى. كۇمىس جۇلدەنى ءۇندىستان (1762) يەلەنسە، ۇزدىك ۇشتىكتى وڭتۇستىك كورەيا (1751) تۇيىندەدى.
سونىمەن قاتار وق اتۋ جارىسىنا ۆالەري راحيمجان مەن ۆالەريا پوپەلوۆا قاتىستى. قازاقستاندىقتار 10 مەتر قاشىقتىقتان پنەۆماتيكالىق تاپانشامەن اتۋدان ارالاس كوماندالىق ءتۋرنيردىڭ ىرىكتەۋ كەزەڭىندە ونەر كورسەتتى. ىرىكتەۋ قورىتىندىسى بويىنشا قازاقستاندىق جۇپ 569 ۇپاي جيناپ، 13-ورىنعا تۇراقتادى. بۇل ناتيجە راحيمجان مەن پوپەلوۆاعا فينالعا شىعۋعا مۇمكىندىك بەرمەدى.