«قازگيدرومەت» مەتەورولوگيالىق قىزمەتى قازان ايىنا ارنالعان اۋا رايىنىڭ كونسۋلتاتيۆتىك بولجامىن جاريالادى: ايدىڭ العاشقى كۇندەرىندەگى قىسقا مەرزىمدى سۋىقتان كەيىن قازاقستانعا جىلى اۋا رايى قايتا ورالادى، دەپ حابارلايدى infohub.kz سايتى.
جالپى، بولجام بويىنشا، قازان ايى جىلى ءارى جاۋىن-شاشىن مولشەرى قالىپتى بولادى.
مەتەورولوگيالىق قىزمەتتىڭ مالىمەتىنشە، قازاننىڭ باسىندا ەل بويىنشا اۋا تەمپەراتۋراسىنىڭ نەگىزگى فونى +15...+25 گرادۋس شاماسىندا بولادى. سودان كەيىن سولتۇستىك سيكلوننىڭ اسەرىنەن رەسپۋبليكانىڭ بۇكىل اۋماعىندا جاڭبىر مەن قار تۇرىندەگى جاۋىن-شاشىن جاۋادى، جەل كۇشەيىپ، ەكپىنى 15-28 م/س جەتەدى، سولتۇستىك جارتىسىندا تومەنگى بۇرقاسىندار بولۋى مۇمكىن.
اركتيكالىق اۋا ماسسالارىنىڭ ەنۋىمەن تۇمان، كوكتايعاق قۇبىلىستارى جانە اياز بولۋى ىقتيمال. ايتارلىقتاي سۋىتادى، ءبىراق ۇزاققا ەمەس: ەلدىڭ باتىسى مەن سولتۇستىك-باتىسىندا تۇندە -6...+5، كۇندىز +2...+11 گرادۋس؛ سولتۇستىكتە، شىعىستا جانە ورتالىقتا تۇندە -1...-6، كۇندىز 0...+8 گرادۋس؛ رەسپۋبليكانىڭ وڭتۇستىگى مەن وڭتۇستىك-شىعىسىندا تۇندە 0...+5°س، كۇندىز +10...+15، تاۋلى اۋدانداردا تۇندە -2...-10، كۇندىز +5...+10 گرادۋس.
ءبىرىنشى ونكۇندىكتىڭ ەكىنشى جارتىسىندا ورتا ازيا مەن جەرورتا تەڭىزىنىڭ شىعىس جاعالاۋىنان جىلى اۋا ماسسالارىنىڭ كەلۋىمەن ەلدىڭ باسىم بولىگىندە كۇندىزگى تەمپەراتۋرا +15...+20-عا، وڭتۇستىك-باتىستا جانە وڭتۇستىك جارتىسىندا +18...+28 گرادۋسقا دەيىن كوتەرىلەدى.
قازاننىڭ ەكىنشى جانە ءۇشىنشى ونكۇندىكتەرىندە تەمپەراتۋرالىق فوننىڭ اۋىتقۋى بولجانادى: باتىس جانە سولتۇستىك-باتىس وڭىرلەردە تۇندە +5...+12-دەن -5...+5-كە دەيىن، كۇندىز +18...+28-دەن +10...+20 گرادۋسقا دەيىن؛ ەلدىڭ سولتۇستىگىندە، ورتالىعىندا جانە شىعىسىندا تۇندە +3...+8-دەن -1...-8-گە دەيىن، كۇندىز +15...+23-تەن +3...+13 گرادۋسقا دەيىن؛ وڭتۇستىك جارتىسىندا تۇندە +5...+10-نان -3...+5-كە دەيىن، كۇندىز +15...+23-تەن +20...+30-عا دەيىن، كەيبىر كەزەڭدەردە تەمپەراتۋرالىق فون تۇندە -1...-6، كۇندىز +10...+15 گرادۋس بولادى.
بولجامعا سايكەس، جالپى قازان ايىندا ايلىق ورتاشا اۋا تەمپەراتۋراسى رەسپۋبليكانىڭ باسىم بولىگىندە نورمادان 1-2 گرادۋسقا جوعارى، شىعىس قازاقستان وبلىسىندا، پاۆلودار وبلىسىنىڭ سولتۇستىك-شىعىس جارتىسىندا جانە اباي وبلىسىندا نورماعا جۋىق بولادى. جاۋىن-شاشىن مولشەرى رەسپۋبليكانىڭ باسىم بولىگىندە كليماتتىق نورماعا جۋىق بولجانادى.