جاپونيانىڭ ايتي-ناگويا ايماعىندا ءوتىپ جاتقان 2026 جىلعى حح جازعى ازيا ويىندارىندا قازاقستاننىڭ رەگبي-7 ەرلەر قۇراماسى العاشقى جەڭىسىن تويلادى، دەپ حابارلايدى infohub.kz سايتى.
بەيسەنبىدە ەرلەر جانە ايەلدەر قۇرامالارى ىرىكتەۋ كەزەڭىنىڭ ەكى ويىنىن وتكىزدى.
قازاقستاننىڭ ەرلەر قۇراماسى ا توبىنداعى العاشقى ويىنىندا جاپونيادان 0:38 ەسەبىمەن جەڭىلىپ قالدى. الايدا ەكىنشى تۋردا قازاقستاندىقتار تايلاندتى 12:5 ەسەبىمەن ۇتتى. ناتيجەلى ارەكەتتەرىمەن نيكيتا يۆانوۆ پەن دانيل تۋر كوزگە ءتۇستى.
ءۇشىنشى، شەشۋشى تۋردا قازاقستاندىقتار 2 قازاندا وڭتۇستىك كورەيامەن شيرەك فينالعا تىكەلەي جولدامانى ساراپقا سالادى.
ايەلدەر قۇراماسى D توبىندا بەيسەنبىدە ەكى ويىندا دا جەڭىلىس تاپتى — تايلاندتان (5:28) جانە جاپونيادان (0:48). ءۇشىنشى، شەشۋشى تۋردا 2 قازاندا سينگاپۋرمەن كەزدەسەدى.
ايەلدەر تورىندا مەدال ءۇشىن كۇرەستى ەكى توپتىڭ دا ەڭ مىقتى ەكى كومانداسى جالعاستىرادى. قازاقستان قۇراماسى جارتىلاي فينالعا شىعۋ مۇمكىندىگىنەن ايىرىلىپ، كەيىن جۇبانىش پلەي-وففىندا وينايدى.