قازاقستان رەسپۋبليكاسىنىڭ پرەزيدەنتى ن. نازارباەۆتىڭ قازاقستان حالقىنا جولداۋى. 2018 جىلعى 10 قاڭتار
ءتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى
قۇرمەتتى قازاقستاندىقتار!
بۇگىندە الەم ءتورتىنشى ونەركاسىپتىك رەۆوليۋسيا داۋىرىنە، تەحنولوگيالىق، ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىنە قادام باسىپ كەلەدى.
جاڭا تەحنولوگيالىق قالىپ ءبىزدىڭ قالاي جۇمىس ىستەيتىنىمىزدى، ازاماتتىق قۇقىقتارىمىزدى قالاي ىسكە اسىراتىنىمىزدى، بالالارىمىزدى قالاي تاربيەلەيتىنىمىزدى تۇبەگەيلى وزگەرتۋدە.
ءبىز جاھاندىق وزگەرىستەر مەن سىن - قاتەرلەرگە دايىن بولۋ قاجەتتىگىن ەسكەرىپ، «قازاقستان - 2050» دامۋ ستراتەگياسىن قابىلدادىق.
الدىمىزعا وزىق دامىعان وتىز ەلدىڭ قاتارىنا كىرۋ ماقساتىن قويدىق.
100 ناقتى قادام – ۇلت جوسپارى جۇزەگە اسىرىلۋدا. ونىڭ 60 قادامى ءقازىردىڭ وزىندە ورىندالىپ قويدى. قالعاندارى، نەگىزىنەن، ۇزاق مەرزىمگە ارنالعان جانە جوسپارلى تۇردە ىسكە اسىرىلۋدا.
وتكەن جىلى قازاقستاننىڭ ءۇشىنشى جاڭعىرۋى باستاۋ الدى.
يندۋستريالاندىرۋ باعدارلاماسى تابىستى ىسكە اسۋدا.
«سيفرلىق قازاقستان» كەشەندى باعدارلاماسى قابىلداندى.
قازاقستان رەسپۋبليكاسىنىڭ 2025 جىلعا دەيىنگى دامۋىنىڭ كەشەندى ستراتەگيالىق جوسپارى جاسالدى.
ءبىزدىڭ ۇزاق مەرزىمدى ماقساتتارىمىز وزگەرىسسىز قالا بەرەدى.
قاجەتتى باعدارلامالاردىڭ بارلىعى بار.
بۇل جولداۋ جاڭا الەمگە، ياعني ءتورتىنشى ونەركاسىپتىك رەۆوليۋسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندايدى.
جولداۋدىڭ تولىق نۇسقاسىن جۇكتەۋ