الداعى ءۇش كۇندە قازاقستان اۋا رايىنا سولتۇستىك-باتىس سيكلون اسەر ەتەدى، دەپ حابارلايدى infohub.kz سايتى.
«قازگيدرومەت» سينوپتيكتەرىنىڭ ەسكەرتۋىنشە، سۋىق اۋامەن قورەكتەنەتىن سيكلون مەن اۋا ماسسالارىنىڭ سوقتىعىسۋى رەسپۋبليكاعا نايزاعايلى جاڭبىر اكەلەدى. ەلدىڭ سولتۇستىگىندە جانە ورتالىعىندا نوسەر اسىرەسە قاتتى بولادى، بۇرشاق جاۋۋى دا ىقتيمال.
جاۋىن-شاشىنمەن قاتار اۋا تەمپەراتۋراسىنىڭ بىرتىندەپ تومەندەۋى كۇتىلەدى. سولتۇستىك وڭىرلەردە كۇندىز تەرمومەترلەر +22…+27°س-قا دەيىن تومەندەيدى، ال ەلدىڭ شىعىسىندا ىستىق +33…+38°س-تان +27…+32°س-قا دەيىن باسىلادى.
ەسكە سالايىق، قازاقستاندا تامىز ايى قاراما-قايشى بولادى: وڭتۇستىك پەن باتىستا +44°س-قا دەيىن ىستىق كۇتىلسە، سولتۇستىكتە اپتاپ ىستىق جاڭبىرعا، نايزاعايعا، ءتىپتى ايازعا ۇلاسادى. ايدىڭ ەكىنشى جانە ءۇشىنشى ونكۇندىگىندە سولتۇستىك اۋدانداردا تۇندە تەمپەراتۋرا +3°س-قا دەيىن تومەندەپ، كۇندىز +25…+35°س-قا كوتەرىلۋى مۇمكىن. باتىستا جانە وڭتۇستىكتە تۇندە +17…+27°س-تان +13…+18°س-قا دەيىن، كۇندىز +32…+42°س-تان +25…+35°س-قا دەيىن بولادى.
بۇعان دەيىن «كۋرسيۆ» 3 تامىزدا قازاقستاندا +40°س-قا دەيىن ىستىق جانە نايزاعاي كۇتىلەتىنىن جازعان ەدى.