قىمىزدىق (ششاۆەل) – تاراندار تۇقىمداسىنا جاتاتىن كوپ جىلدىق جانە ءبىر جىلدىق وسىمدىكتەر. قازاقستاندا اقمولا، اقتوبە وبلىستارىندا، كۇنگەي، تەرىسكەي، جەتىسۋ الاتاۋلارىنىڭ شالعىندارىندا، وزەن-كول جاعالاۋىندا، تاستاقتى تاۋ بوكتەرىندە، ءسۋبالپى جانە ءالپى شالعىندا وسەتىن 24 ءتۇرى كەزدەسەدى.
مامىر — ماۋسىم ايلارىندا گۇلدەپ، شىلدەدە جەمىس سالادى. جەمىسى — ءۇش قىرلى جاڭعاقشا، جىلتىر، قوڭىر ءتۇستى (ۇزىندىعى 1،5 — 2 مم، ەنى 1 مم). جاپىراعىندا قىشقىل ءدامدى كالي تۇزى، سونداي-اق، بەلوك، تەمىر جانە وتە كوپ مولشەردە س ءۆيتامينى بار. حالىق مەديسيناسىندا كادىمگى قىمىزدىقتى باۋىر قىزمەتىن رەتتەۋگە، ءوتتىڭ ءبولىنۋىن كۇشەيتۋگە، قان توقتاتۋدا پايدالانىلادى. جاپىراعىنان سالات جاسايدى.
قىمىزدىق – قىشقىل ءدامى ونىڭ جاپىراقتارىنىڭ قۇرامىنداعى قىمىزدىق قىشقىلىنىڭ كالي تۇزىنىڭ اسەرىنەن بولادى. سونىمەن قاتار، جاپىراقتارىندا مينەرالدى تۇزدار، ورگانيكالىق قىشقىلدار (الما، ليمون)، اقۋىزدار، فلاۆونويدتەر، قانتتار، كاروتين، ءدۋبيلدى زاتتار، كالسي، كالي، ماگني، تەمىر، B1، ۆ2، س، ك، PP دارۋمەندەرى بار.
قىمىزدىقتان كوكتەمدىك دارۋمەندى جاسىل ششي، بالىشتەرگە ءدامدى سالما جاسايدى، جاپىراقتارىن قىسقا دايارلايدى، پيۋرە، سالات جاسايدى، وملەتكە قوسادى، ءتىپتى كيسەلدە قايناتادى. جاس جاپىراقتارداعى ازداعان قىمىزدىق مولشەرىن بەيتاراپتاندىرۋ ءۇشىن قىمىزدىقپەن جاسايتىن تاعامدارعا ءسۇت نەمەسە ءسۇت ونىمدەرىن (مىسالى، كىلەگەي) قوسۋ كەرەك. سوندا قىمىزدىق قىشقىلى ءسۇت ونىمدەرىنىڭ قۇرامىنداعى كالسيمەن رەاكسياعا ءتۇسىپ، ەشبىر زيانى جوق كالسي تۇزىن تۇزەدى.
قىمىزدىق – بۇل اسقورىتۋ، باۋىر مەن ءوت قابىنىڭ قىزمەتىن جاقسارتاتىن، جارانى جازاتىن، قان كەتۋدى توقتاتىن دارۋمەندى جانە ەمدىك وسىمدىك. ول قان ازدىقتا، جۇرەك قان تامىر اۋرۋلارىندا، اللەرگياعا قارسى قۇرال رەتىندە تەرىدەگى ءارتۇرلى بورتپەلەر مەن قىشىمالاردا دا پايدالى. قىمىزدىقتىڭ جاپىراقتارى مەن جەمىستەرى بىرىستىرعىش جانە اۋرۋدى باساتىن، جاپىراقتارى جارانى جازاتىن، انتيتوكسيندىك، قابىنۋعا قارسى قاسيەتكە يە.