قىستاپ قالاتىن قۇستار

تاقىرىبى: قىستاپ قالاتىن قۇستار
ماقساتى: قىس مەزگىلىنىڭ ەرەكشەلىكتەرىمەن تانىسۋ. بالالاردىڭ قىس مەزگىلىندە قۇستارعا قامقورلىق جاساۋعا بەلسەندىلىگىن ارتتىرۋ. سوزدىك قورىن دامىتۋ. بالالارعا ادامگەرشىلىككە تابيعاتتى قورعاۋعا تاربيەلەۋ. بالالارعا قۇستاردىڭ اتتارىن ايتىپ تانىستىرۋ.
ءبىلىم بەرۋ سالاسى: «كوممۋنيكاسيا». «تانىم».
وقۋ ءىس قىزمەتى: «سويلەۋدى دامىتۋ». «قورشاعان ورتامەن تانىستىرۋ».
كورنەكىلىكتەر: قۇستاردىڭ سۋرەتتەرى
سوزدىك جۇمىسى: جىل قۇستارى
بيلينگۆالدى كومپونەنت: تورعاي - ۆوروبەي، قارعا - ۆورونا، كوگەرشىن - گولۋب.

شاتتىق شەڭبەر:
ءبىز ادەپتى بالامىز
جايناي بەرسىن دالامىز
تابيعاتتى سۇيەمىز
قامقورلىقپەن قارايمىز
- ءقازىر جىلدىڭ قاي مەزگىلى
- قىس
- قىس ايلارىن اتا؟
- جەلتوقسان، قاڭتار، اقپان
- بالالار ءبىر اپتادا قانشا كۇن بار؟ كىم اتاپ بەرەدى؟
- بالالار مەن سەندەرگە ءقازىر جۇمباق جاسىرامىن. سونىڭ شەشەسىڭدەر مە؟
- ءيا
جۇمباق:
قاناتى بار تالماعان
اسپاندا ۇشىپ سامعاعان
جاۋى شىبىن - شىركەيدى
تابيعاتتى ول قورشاعان(قۇس)
بۇگىنگى ءبىزدىڭ وقۋ قىزمەتىمىزدىڭ تاقىرىبى»قىستاپ قالاتىن قۇستار»دەپ اتالادى. قۇستار - ادامعا دوس. قۇستاردىڭ تۇمسىعى، قاناتى، ەكى اياعى، قۇيرىعى، موينى، قۇلاعى بار. قۇستار جۇمىرتقالايدى. قۇستار دانمەن، جاندىكتەرمەن، زيانكەس قۇرتتارمەن قورەكتەنەدى. قۇستار اعاش قۋىستارىنا نەمەسە باسىنا، بۇتاقتاردىڭ اراسىنا ۇيا سالىپ ءومىر سۇرەدى.
- ال بالالار ەندى وسى قۇستاردىڭ قازاقشا ورىسشاسىن اتاپ كورەيىكشى:
تورعاي - ۆوروبەي
ساۋىسقان - سوروكا
قارعا - ۆورونا
كوگەرشىن - گولۋب
شىمشىق - سنيگير
- بالالاردىڭ دايىنداپ كەلگەن تاقپاقتارىن تىڭدايىق
- تاسپەن اتىپ تورعايدى
ۇيا بۇزعان وڭبايدى
قۇس وكپەلەپ كەتەدى
باقشامىزعا قونبايدى (انار)
- قارعا، قارعا قارعالار
قار ۇستىندە جورعالار
بوران سوقسا قار بولار
بۇتاعا قونار قارعالار (ىڭكار)
- توقىلداقتار توقىلداپ
ەشبىر تىنىم كورمەيدى
اعاشتى قانشا تەسسە دە
جۇمىسى ءبىر بىتپەيدى (ابىلاي)
- قۇس ۇياسىن بۇزباڭدار
بالاپانىن الماڭدار
قۇستار ءبىزدىڭ دوسىمىز
وبالىنا قالماڭدار (قابىلان)
ۇيگە كىرشى تورعايىم
مەن ايازدان قورعايىن
جەم شاشامىن جەگەيسىڭ
ۇيشىك جاساپ بەرەيىن (دارىن)
- ال بالالار قانە ءبارىمىز «ۇشتى، ۇشتى قارعا ۇشتى» ويىنىن وينايىق.
ۇشتى، ۇشتى قارعا ۇشتى
ۇشتى، ۇشتى پارتا ۇشتى
ۇشتى، ۇشتى كوگەرشىن ۇشتى
ۇشتى، ۇشتى دوپ ۇشتى
- قۇستارعا قاتىستى جۇمباقتارىمىزدى جاسىرايىق
قوڭىر الىپ جارعا، قارقىلدايدى (كارعا) (انگەلينا)
قاناتى بار تالماعان، اسپاندا ۇشىپ سامعاعان
جاۋى شىبىن شىركەيى، تابيعاتتى ول قورعاعان(قۇس) (جانسايا)
ۇستىنە اق كامزولىن كيىپ الىپ
جۇرەدى كاناتتارىن جيىپ الىپ (ساۋىسقان) (دانيال)
تاقپاق:
شىر، شىر ەتكەن تورعايدى
قورعاماساق بولمايدى
كىپ-كىشكەنە تورعايلار
اعاشتاردى قورعايدى (جانەركە)
قۇستار ءبىزدىڭ دوسىمىز
باۋ باقشانى قورعايدى
ۇيا جاساپ كار سالماق
قۇستار ءبىزدى قورعايدى (دۋمان)

سەرگىتۋ ءساتى:
تورعاي بولىپ ۇشايىق، ۇشىپ ۇشىپ الايىق
بۇركىت بولىپ اڭ اۋلاپ، قىران قۇس بوپ سامعايىق
قارعا بولىپ جورعالاپ، قار ۇستىنە قونايىق.
ويىن: «مىسىق پەن تورعايلار» بالالار شەڭبەر قۇرىپ تۇرادى. ساناماق ارقىلى ءبىر بالا مىسىق بولىپ سايلانادى. قالعان بالالار تورعايلار رولىنە ەنەدى.»مىسىق ۇيىقتايدى»دەگەندە تورعايلار مىسىقتان قاشادى. ۇستالعان بالا ويىننان شىعادى(1 - 2 رەت قايتالاۋ)
ساباقتى قورىتۋ. بالالاردان قۇستار تۋرالى نە بىلگەنىن سۇراۋ. بالالاردى ماقتاپ، ماداقتاۋ.
قىستاپ قالاتىن قۇستار جۇكتەۋ