InfoHub Logo

"قىز سىنى" بايقاۋىنا ارنالعان ولەڭدەر

قازاق حالقى قىز بالانىڭ تاربيەسىنە ەرەكشە كوڭىل بولگەن. قىزدىڭ يبالى، يناباتتى بولۋىمەن قاتار، ونىڭ بويىنداعى تابيعي دارىنىن اشۋ، ىسمەرلىككە باۋلىپ، ءبىلىمدى، جان-جاقتى بولۋعا ۇيرەتۋدىڭ استارىندا ۇلكەن ءمان جاتىر. "قىز سىنى" سىندى بايقاۋدىڭ ماقساتى دا قىز بالانىڭ تاربيەسىنە ۇلەس قوسۋ بولسا كەرەك. بۇل جازبامىزدا "قىز سىنى" بايقاۋىنا ارنالعان ولەڭ جولدارىن ۇسىنامىز.

1. تانىستىرۋ ولەڭى

باسىمدى ءيىپ سالەم بەردىم، امانسىز با، اعايىن!
توپقا ءتۇستىم مەن بۇگىن، قامشى شالماي شابايىن.
"مۇقانوۆ" مەكتەبىندە وقيمىن مەن بۇگىندە،
قاناتتارىن قاتايتقان شاكىرتتەردىڭ تالايىن.

قازاق قىزدى سىيلاعان،
قازاققا قىز سىيلى ادام.
ۇلجان مەنىڭ ەسىمىم،
ابىرويىن قازاقتىڭ جاستا بولسا ويلاعان.

جىر وقۋدى ءسۇيىپ كەلەم جاسىمنان،
دوستارىم كوپ تابىلاتىن قاسىمنان.
ناعىز قازاق قىزى مىنە، قاراڭىز،
دۇشپان ءسوزىن اسىرمايتىن باسىنان.

2. قىز سىنىنا

اۆتورى: جىبەك يسكاكوۆا

كۇلىم قاققان جانارىممەن ءۇن قاتىپ،
جۇرەكتەگى ولەڭىممەن جىرلاتىپ.
مەن كەلەمىن، ارمىسىزدار، اعايىن،
الدارىڭدا سالەم بەرۋ ءبىر باقىت.

مەن دە كەلدىم بۇگىنگى بۇل جارىسقا،
ورتا جۇزدەن تاراعان ارۋىڭ مەن.
جەڭۋ ءۇشىن بۇل جەرگە كەلىپ تۇرمىن،
"ونەر" اتتى اينىماس قارۋىممەن.

ارداق قىزى بولامىن ءجۇزى جىلى،
ءسالت-داستۇردى ۇستانعان قىزدىڭ ءبىرى.
سالتاناتتاي انام بار اق جاۋلىقتى،
ءتانتى بولىپ قارارداي جەردىڭ ءجۇزى.

بۇل سايىسقا كەلگەنىم بەلدى بۋىپ،
جۇزدەسكەلى سىزدەردەي جاندارمەن.
ال ارۋلار، تىلەيمىن تەك ساتتىلىك،
كەزدەسەيىك ءبىز بىرگە ارماندارمەن.

3. جايما شۋاق كوڭىلدە

جايما شۋاق كوڭىلدە جاز ورنايدى،
بۇل جۇرەگىم لۇپىلدەپ جايمەن عانا.
ارمىسىزدار اعايىن، سالەم بەردىم،
كوڭىلدەرگە شاتتىقتىڭ وتىن جاعا.

مەن ارۋمىن بيازى، جانى نازىك،
ان-جىرىمەن اينالانى تەربەيتىن.
ورتا ءجۇزدىڭ قىزىمىن مەيىرىمدى،
جەل سوزگە ەشقاشاندا سەنبەيتىن.

ارمان قىزى اقەركە مەن بولامىن،
بۇل جارىستا ونەرىممەن تولعانامىن.
اناشىم بار اقجارقىن مەيىرىمدى،
كورسەتەتىن قاشاندا وڭ قاباعىن.

بۇل جارىسقا ب ا ق سىناپ كەلىپ تۇرمىن،
قوبالجىماي وزىمە سەنىپ تۇرمىن.
الدىڭىزدا يىلە سالەم بەرىپ،
مارجان ءسوزدى جۇرەكتەن تەرىپ تۇرمىن.

4. ارمىسىزدار ەل-جۇرتىم

ارمىسىزدار ەل-جۇرتىم، دارا حالقىم،
امانداسۋ الدىمەن اتا سالتىم.
بۇل جارىسقا اسىعا مەن دە كەلدىم،
جۇرەگىممەن سەزىنىپ ءسوزدىڭ پارقىن.

كىشى ءجۇزدىڭ قىزىمىن گۇل جايناعان،
كوكتەمدەي بوپ قۇلپىرعان بار اينالام.
اسىل تەكتى قىزىمىن قازاعىمنىڭ،
ايدانامىن، ەل جايىن كۇندە ويلانام.

ماقسات قىزى بولامىن جۇرەگى كەڭ،
ءۇن قاتاتىن شىنايى جۇرەگىمەن.
اناشىم بار ايعانىم جانى نازىك،
جاقسىلىقتىڭ جولدارىن بىلە بىلگەن.

بۇل سايىسقا كەلگەن بارشا ارۋلار،
ءاربىر ساتتەن قۋانىشتى تابىڭدار.
ساتتىلىكتى تىلەيمىن مەن سىزدەرگە،
اماندىقتا تولعان ايداي تولىڭدار!

5. ارمىسىزدار، بارمىسىزدار

ارمىسىزدار، بارمىسىزدار،
ءيىلىپ سالەم بەرەيىن.
جيىلعان جۇرت، اعايىن،
ۇستەم بولسىن مەرەيىڭ.

ەسىمىمدى سۇراساڭ،
قاسىموۆا ارايلىم.
شۋاعىنا بولەيتىن،
تاڭعى شۋاق ارايمىن.

اسقار قىزى مەن بولام،
جانى سۇلۋ ادەمى.
تولعان ايداي تولامىن،
قۋانار بار الەمى.

قاراڭىز، بۇل بايقاۋعا،
جەڭۋ ءۇشىن كەلگەنمىن.
مارجان ءسوزدى جۇرەكتەن،
تەرۋ ءۇشىن كەلگەنمىن.

بار قازاقتىڭ ءۇنىمىن،
ءان مەن جىرعا بولەيتىن.
گۇل انانىڭ قىزىمىن،
ارسىزدىققا كونبەيتىن.

6. قىز سىنى بايقاۋىنا

اۆتورى: اسەل جۋتايەۆا

قازاقتىڭ قىزى، يباسىن بويعا ساقتاعان،
قازاقتىڭ قىزى، بولمىسىڭمەنەن ماقتانام.
قازاقتىڭ قىزى، قاسيەتىڭنەن اينالدىم،
انانىڭ ءسۇتىن انا بوپ ءجۇرىپ اقتاعان.

ەرلىگىن جيماس، ەركە دالانىڭ ەلىگى،
اقتاۋعا كەلدىم مەكتەبىم ارتقان سەنىمدى.
تالاي باتىر مەن باھادۇرلەردىڭ وتانى،
قىزى بولامىن اقتوبە دەگەن ءوڭىردىڭ.

دارىپتەپ اركەز ءداستۇرىن سۇيگەن قازاقتىڭ،
ارقانىن تارتقان سوناۋ ءبىر كەزدە ازاپتىڭ.
قازاقتىڭ قىزى، عالاماتتاردىڭ ىشىندە،
قازاقتىڭ قىزى بولمىسى بولەك، عاجاپ تىم.

ءمىن تاقپاعىن قازاقتىعىم جولىندا،
دالەلدەيتىن ۋاقىت جەتتى ونى دا.
ۇلت تاعدىرىن ۇلىلىققا جەتەلەۋ،
قازاق قىزى، سەنىڭ عانا قولىڭدا.

7. قىز سىنىنا ارناۋ

اۆتورى: مارعۇلان اقان

كوردىڭ بە سەن قازاقتىڭ شىرايلىسىن،
قولىڭ جەتپەي ارماندا جىلايدى ءىشىڭ.
الدىڭداعى قازاقتىڭ مەن دە قىزى،
ايدىنداعى ساۋلەلى ءبىر اي ءمۇسىن.

تاراق باتپاس اسىلى بۇرىمىنا،
كونە بەرمەس وزگەنىڭ ىرىعىنا.
مەن ارۋمىن! كونەنىڭ كوزىن كورگەن،
ءسالت-داستۇرىن ساقتاعان تۇعىرىنا.

ءوز باسىمدى ويلايتىن قىز ەمەسپىن،
كوڭىلدەردى سۋىتقان كۇز ەمەسپىن.
ارۋلاردىڭ باستالدى الامانى،
ەڭ نازىگى بولارمىز ءبىز ەگەستىڭ.

ءيا، سونداي ارۋمىن ايدان تامعان،
ساۋكەلەلى سانىممەن سايران سالعان.
تاڭ قالدىرىپ كەتەمىن ورتاڭدى مەن،
سىزدەر تۇگىل بابامىز قايران قالعان!

بۇل ولەڭدەر "قىز سىنى" بايقاۋىنا قاتىسۋشى ارۋلارعا ارنالىپ جازىلعان. ولەڭ جولدارىنداعى ەسىمدەر مەن مەكتەپ، قالا اتاۋلارىن وزىڭىزگە ىڭعايلى ەتىپ وزگەرتىپ الۋعا بولادى. تانىستىرۋ ولەڭدەرىندە شىعارماشىلىعىڭىزدى كورسەتىپ، كورەرمەندەرگە ەرەكشە اسەر قالدىرا الاسىز.