تەمىرتاۋ قالاداعى № 16 ورتا مەكتەبىنىڭ
قازاق ءتىلى مەن ادەبيەت ءپانى ءمۇعالىمى
تۋياكباەۆا زامزاگۋل يساگالىموۆنا

ساباقتىڭ تاقىرىبى: قىزىل بەت
گرامماتيكالىق تاقىرىپ: انتونيم
ماقساتى:
بىلىمدىلىك: وقۋشىلاردىڭ ىزدەنىس جۇمىسىن قالىپتاستىرۋ، انتونيم تۋرالى تۇسىنىك بەرۋ. سويلەي، جازا ءبىلۋ داعدىلارىن قالىپتاستىرۋ.
دامىتۋشىلىق: تەز ويلاۋ، ساۋاتتى جازۋدى داعدىلاندىرۋ، سوزدەردى ءوزارا دۇرىس بايلانىستىرىپ، ويدى جۇيەلەپ ايتۋ داعدىسىن قالىپتاستىرۋ.
تاربيەلىك: وقۋشىلاردىڭ مەملەكەتتىك تىلگە دەگەن قۇرمەتىن، قورشاعان ورتاعا سۇيىسپەنشىلىگىن ارتتىرۋ ساباقتىڭ كورنەكتىلىگى: ساياحات كارتاسى، قىس، تاقىرىپقا بايلانىستى سۋرەتتەر، اۆتوبۋس (قاعاز).
ساباقتىڭ ءتۇرى: ساياحات ساباعى.
ساباقتىڭ ءادىسى: ويىن ءادىسى، اۆتوبۋسپەن ساياحات جاساۋ، سويلەۋ.

ساباقتىڭ بارىسى:
ۇيىمداستىرۋ كەزەڭى.
كەزەكشىمەن ديالوگ، تىلدىك ورتاعا كوشۋ.

فونەتيكالىق جاتتىعۋ:
العا ءبىر ادىم، ارتقا ءبىر ادىم
وتىرامىز، تۇرامىز.
ساباقتا «بەس» الامىز.
ءۇي جۇمىسىن سۇراپ، بەكىتۋ، باعالاۋ.
ال ەندى بالالار، مىنا جۇمباقتى شەشىمىن تابىڭدار.
اياز قىسىپ، ورنەك سىزىپ،
تەرەزەڭدى تورلايدى.
كەيدە ۇلىپ، كەيدە ج ۇلىپ،
ۇيتقىپ بوران سوعادى.
ايتىڭدارشى بوبەكتەرىم،
بۇل قاي كەزدە بولادى؟

بۇگىنگى ءبىزدىڭ تاقىرىبىمىز قىس تۋرالى، تاقىرىپ نەگە « قىزىل بەت» دەپ اتالادى؟ ماقساتىمىز «قىس» تاقىرىبىنا بايلانىستى سوزدەردى ءبىلۋ، ول سوزدەردى دۇرىس وقىپ، ايتا ءبىلۋ. انتونيمگە شولۋ جاسايمىز.
بالالار، ءبىز بۇگىن «قىسقى الەمگە ساياحات» جاسايمىز. ايالدامالاردا توقتاپ، بىلىمدەرىمىزدى تەكسەرەمىز. بالالار ساياحاتقا دايىنسىڭدار ما؟
بۇل ساياحاتقا كىمدەر بارادى ەكەن؟ تانىسىپ قويالىق.
سەنىڭ اتىڭ كىم؟
سەن نەشىنشى سىنىپتا وقيسىڭ؟
سەن قايدا تۇراسىڭ؟
ال ەندى اۆتوبۋسقا مىنەلىك، دۇرىس وتىرىڭدار.

سوزدىك جۇمىسى.
1 - ايالداما «سوزدىك القابى».
وقۋشىلار قىس تاقىرىبىنا بايلانىستى سوزدەردى مۇعالىمنەن كەيىن قايتالايدى (حورمەن ءبىر - بىردەن).

2 - ايالداما «كۇز».
ا) كۇز ايلارىن اتاڭدار.
ب) كۇزدە نە بولادى؟
جاڭبىر جاۋادى. جاپىراق سارعايادى. كۇن سالقىندايدى.
قۇستار جىلى جاققا ۇشىپ كەتەدى. قاۋىن، قاربىز، الما، المۇرت پىسەدى.
كىم «كۇز» تۋرالى ولەڭ وقيدى؟

3 - ايالداما «قىس».
وقۋلىقتىڭ 67 - بەتىندەگى « قىزىل بەت» ءماتىنىن وقۋ، اۋدارۋ.
«قىس» تۋرالى ولەڭ، جۇمباق ايتۋ.

4 - ايالداما «كيىم دۇكەنى». بالالار، دۇكەندە قىسقى جىلى كيىمدەر بار ەكەن. سۋرەتتەردى كورسەتۋ، بالالار كيىمدەردى اتاپ بەرەدى.

سەرگىتۋ ءساتى «نە ارتىق؟» ويىنى

5 - ايالداما «ورفوگرافيا مۇراجايى». مۇراجاي قىزمەتكەرلەرى مىناداي تاپسىرما دايىنداپ قويىپتى. سويلەمدەرگە قاجەتتى سوزدەردى تاۋىپ، دۇرىس قويىڭدار.
قىس ايلارى: جەلتوقسان،......، اقپان.
ادامدار ۇستىنە… كيەدى.
ادامدار قولىنا……… كيەدى.
ادامدار اياعىنا… كيەدى.
قىستا…… جاۋادى.
قىستا…… قاتادى.
بالالاردىڭ بەتتەرى.......

6 - ايالداما «قۇتتىقتاۋ الاڭى». وقۋشىلار قىس مەرەكەلەردى اتاپ، قوناقتاردى قۇتتىقتايدى. قىس مەزگىلىنە بايلانىستى انتونيم سوزدەردى اتايدى.
وقۋشىلارعا ءۇي جۇمىسىن ءتۇسىندىرۋ، باعالاۋ، بەكىتۋ.