قىزىلوردا 10 مەكتەپ وقۋشىسى استان ۋلانىپ قالدى. بۇل تۋرالى وبلىس پروكۋراتۋراسىنىڭ ءباسپاسوز حاتشىسى بوتاگوز سەيىل حابارلادى.
«19 قىركۇيەك كۇنى ساعات 19:05-تە قىزىلوردا قالالىق ءىىب-نىڭ «102» تەلەفونىنا تاسبوگەت كەنتىندەگى №176 ورتا مەكتەپتىڭ 10 وقۋشىسىنىڭ ۋلانعانى تۋرالى حابارلاما كەلىپ ءتۇستى»، دەپ ءمالىم ەتتى ءباسپاسوز حاتشىسى.
وقۋشىلاردىڭ بەرگەن الدىن الا تۇسىنىكتەمەلەر بويىنشا، بالالار كامپيتتەن ۋلانۋى مۇمكىن.
«وقيعا ورنىنا توتەنشە قىزمەت پەن كەزەكشى پروكۋرور جىبەرىلدى. اتالعان ماسەلە وبلىس پروكۋراتۋراسىنىڭ باقىلاۋىنا الىندى»، دەلىنگەن حابارلامادا.