الماتى وبلىسى قونايەۆ قالاسىندا كامەلەتكە تولماعان بالانىڭ ولىمىنە اكەپ سوققان جول-كولىك وقيعاسى بويىنشا قىلمىستىق ءىس قوزعالدى. 22 جاستاعى جۇرگىزۋشى باسقارعان Hyundai كولىگى بالانى قاعىپ كەتكەن، ول وقيعا ورنىندا كوز جۇمدى، دەپ حابارلايدى infohub.kz سايتى.
قايعىلى وقيعا تۋرالى «egovpress» Instagram-پاراقشاسىنداعى جاريالانىمنان بەلگىلى بولدى. قونايەۆ قالاسىنىڭ تۇرعىندارى ايتقانداي، №10 شاعىن اۋدانىندا كولىك بالانى قاعىپ ولتىرگەن. جەرگىلىكتى تۇرعىنداردىڭ سوزىنشە، كوشەدە ءتىپتى تروتۋار جوق.
اپات الدىڭعى كۇنى — 20 قىركۇيەكتە بولعانى اتاپ ءوتىلدى.
«الدىن الا دەرەكتەر بويىنشا، 20 قىركۇيەكتە ساعات 18:40 شاماسىندا قونايەۆ قالاسىنىڭ ءبىر كوشەسىندە 22 جاستاعى Hyundai كولىگىنىڭ جۇرگىزۋشىسى جۇرگىنشى جولىندا تۇرعان كامەلەتكە تولماعان بالانى قاعىپ كەتتى. العان جاراقاتتارىنان بالا وقيعا ورنىندا قازا تاپتى»، — دەپ حابارلادى الماتى وبلىسىنىڭ پوليسيا دەپارتامەنتى.
قازىرگى تاڭدا وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە. تەرگەۋ پوليسيا دەپارتامەنتى باسشىلىعىنىڭ باقىلاۋىندا.
بۇعان دەيىن ەكىباستۇزدا دا الدىڭعى كۇنى جول-كولىك وقيعاسى سالدارىنان بالا قازا تاپقانى حابارلانعان بولاتىن.