الەۋمەتتىك جەلىلەردە مەرزىمدى اسكەري قىزمەتتەگى ەكى ماتروستىڭ تاعدىرى تۋرالى قاۋەسەت تاراعان سوڭ، قازاقستان قورعانىس مينيسترلىگى ولاردىڭ بەينەسىن جاريالادى، دەپ حابارلايدى infohub.kz سايتى.
ءسوز مەرزىمدى اسكەري قىزمەتتەگى ماتروستار احمەتوۆ ا.ا. مەن ماعاۋيا ءا.ا. تۋرالى بولىپ وتىر. ولارعا قاتىستى قاۋەسەتتەر اۋەلدە كاسپي تەڭىزىنە 19 اسكەري قىزمەتشىنىڭ سۋعا كەتكەنى حابارلانعان سوڭ، كەيىن ولاردىڭ سانى 17 بولعانى بەلگىلى بولعاننان كەيىن تاراي باستادى.
قورعانىس مينيسترلىگى اسكەري-تەڭىز كۇشتەرىنىڭ وقۋ-جاتتىعۋى بارىسىندا جەكە قۇرامنىڭ ءبىر بولىگى جاعاجايدا بولىپ، وقۋ مىندەتتەرىن ورىنداعانىن مالىمدەگەن ەدى.
«مەرزىمدى اسكەري قىزمەتتەگى ماتروستار احمەتوۆ ا.ا. مەن ماعاۋيا ءا.ا. جاعاجايدا وقۋ مىندەتتەرىن ورىنداعان اسكەري قىزمەتشىلەر توبىنا جاتتى. قازىرگى تاڭدا اتالعان اسكەري قىزمەتشىلەر اسكەري ءبولىم ورنالاسقان جەردە بولىپ، كۇن تارتىبىنە سايكەس قىزمەت اتقارۋدا»، — دەدى ۆەدومستۆودا.
ايتقاندارىن راستاۋ ءۇشىن قورعانىس مينيسترلىگى ەكى اسكەري قىزمەتشىنىڭ بەينەسىن كورسەتتى.
ەسكە سالايىق، 24 قىركۇيەكتە وقۋ-جاۋىنگەرلىك مىندەتتى ورىنداۋ بارىسىندا اۋا رايىنىڭ كەنەتتەن كۇرت ناشارلاۋى مەن ەكپىندى جەلدىڭ سالدارىنان كاسپي تەڭىزىنە 17 اسكەري قىزمەتشى سۋعا كەتتى، ولاردىڭ 14ء-ى قازا تاپتى. ۇشەۋى قۇتقارىلدى.
قايعىلى وقيعادان كەيىن داۋرەن كوسانوۆ قورعانىس ءمينيسترى قىزمەتىنەن بوساتىلدى. ونىڭ ورنىنا ايدوس مىرزاحمەتوۆ تاعايىندالدى.