قازاقستان قورعانىس مينيسترلىگى الەۋمەتتىك جەلىلەردە تاراعان، ۆەدومستۆو باسشىسى، اۆياسيا گەنەرال-لەيتەنانتى داۋرەن كوسانوۆتىڭ قاتىسۋىمەن تۇسىرىلگەن بەينەجازباعا قاتىستى رەسمي مالىمدەمە جاسادى، دەپ حابارلايدى infohub.kz سايتى.
قورعانىس ۆەدومستۆوسىنىڭ تۇسىندىرۋىنشە، الەۋمەتتىك جەلىلەردە قازاقستان رەسپۋبليكاسىنىڭ قورعانىس ءمينيسترى، اۆياسيا گەنەرال-لەيتەنانتى داۋرەن كوسانوۆتىڭ قاتىسۋىمەن تۇسىرىلگەن ەسكى بەينەجازبا تارالىپ جاتىر. وعان كاسپي تەڭىزىندەگى قايعىلى وقيعامەن بايلانىستىراتىن پىكىرلەر قوسىلىپ وتىر.
«بۇل بەينەجازبا بىلتىر تۇسىرىلگەن جانە قازىرگى تراگەدياعا، كاسپيدە وقۋ-جاۋىنگەرلىك تاپسىرمالاردى ورىنداۋ كەزىندە قازا تاپقان اسكەري قىزمەتشىلەردىڭ قازاسىنا ەشقانداي قاتىسى جوق. الەۋمەتتىك جەلى قولدانۋشىلارىن مۇراعاتتىق بەينەماتەريالداردى مانيپۋلياسيالاۋعا، ولاردى كونتەكستەن ج ۇلىپ الۋعا جانە بولعان تراگەديامەن بايلانىستىرۋعا شاقىرمايمىز. ەل قازا تاپقان اسكەري قىزمەتشىلەردى ازا تۇتىپ جاتقان كۇنى اقپارات تاراتۋ كەزىندە جاۋاپكەرشىلىك تانىتۋدى جانە قازا تاپقان اسكەري قىزمەتشىلەردىڭ تۋعان-تۋىستارىنا قۇرمەت كورسەتۋدى سۇرايمىز»، — دەدى ۆەدومستۆودا.
ەسكە سالايىق، 24 قىركۇيەكتە وقۋ-جاۋىنگەرلىك تاپسىرمانى ورىنداۋ بارىسىندا اۋا رايىنىڭ كەنەتتەن كۇرت ناشارلاۋى مەن ەكپىندى جەلدىڭ سالدارىنان كاسپي تەڭىزىنە 17 اسكەري قىزمەتشى اعىزىلىپ كەتتى، ولاردىڭ 14ء-ى قازا تاپتى. ۇشەۋى قۇتقارىلدى.