جاز. ورىستە لاق، ق ۇلىن، قوزى كەزدەسە كەتتى. ءىشى پىسقان ولار بىرىگىپ ويناماق بولدى. اۋەلى نەندەي ويىن قىزىق ەكەنىن تالقىعا سالدى.
ءسوزدى اق لاق باستادى.
— ويىننىڭ قىزىعى تاۋعا شىعۋ. تاستان سەكىرۋ. ءارى قان تارايدى، ءارى ەتتى بولاسىڭ.
قوشاقان لاقتىڭ ءسوزىن جاراتپادى.
— سەكىرىپ، اتىلىپ ويناۋ ويىن ەمەس. ويىننىڭ قىزىعى قوشقارعا سارت-سۇرت سۇزگىزۋ. ءارى كۇشىڭ تولادى، ءارى بۇلشىقەتىڭ قاتايادى.
— سەندەردىڭ ويىندارىڭ كوڭىلگە قونبايدى. ويناعان سوڭ شاپقىلاپ جارىسايىق. تۇرا قالىپ تەبىسەيىك، — دەدى ق ۇلىن.
ۇشەۋى قىزىلكەڭىردەك بولىپ ۇزاق كەرىستى. اقىرى كەلىسە الماي، ءارقايسىسى ءوز جوندەرىنە كەتتى.