ساباقتىڭ تاقىرىبى: مۇعاليما. قادىر مىرزا ءالي
ساباقتىڭ ماقساتى:
بىلىمدىلىگى: قادىر مىرزا ءاليدىڭ «مۇعاليما» ولەڭىنىڭ مازمۇنىن اشۋ. اۆتور تۋرالى مالىمەت بەرۋ.
دامىتۋشىلىعى: وقۋشىلاردىڭ تىلدىك قورىن، ءسوز بايلىعىن، وي - قيالىن دامىتۋ. تاربيەلىلىگى: ادەپتىلىككە، ۇزتازىن سىيلاۋعا، ەلىن سۇيۋگە، ادامگەرشىلىككە تاربيەلەۋ.
ساباقتىڭ ءتۇرى: ارالاس
ساباقتىڭ ءادىسى: جاڭا ادىستەر، ستو، اكت، سكت، ويىن
ساباقتىڭ كورنەكىلىگى: ينتەراكتيۆتى تاقتا، پلاكاتتار،

ساباقتىڭ بارىسى:
ءى. ۇيىمداستىرۋ كەزەڭى:
وقۋشىلارمەن تانىسۋ. امانداسۋ. ساباققا دايىندىق

ءىى. پسيحولوگيالىق دايىندىق /3مين/
بالالار ءقازىر قاي مەزگىل؟ كۇز مەزگىلى.
كۇزدە قانداي مەرەكەلەر بولادى؟ ءبىلىم كۇنى. مۇعالىمدەر مەرەكەسى. تىلدەر مەرەكەسى
بالالار مەن سەندەرمەن ساباق وتكىزىپ وتىرعانىما وتە قۋانىشتىمىن.
ال ەندى سەندەردىڭ كوڭىل كۇيلەرىڭدى بىلگىم كەلىپ تۇر. ول ءۇشىن ءقازىر مەنىمەن بىرگە ىلەسىپ ايتىڭدار
1 - قاتار (قازاقشا) 2 - قاتار (ورىسشا( 3 - قاتار (اعىلشىنشا)
1 2 3
حا، حا، حا
1 2 3
حي، حي، حي

كۇلكى ادامعا ۇزاق عۇمىر سىيلايدى. سەندەر ءۇش تىلدە جاقسى ساناپ، بەلسەندىلىك تانىتتىڭدار. وسى كوڭىل - كۇيمەن جاڭا ساباق باستايمىز.

ءىىى. جاڭا ساباق
بالالار ءبىز سىزدەرمەن بۇگىن «ءبىلىم الەمىنە ساياحات جاسايمىز. ال ساياحاتقا شىعۋ ءۇشىن ءبىز مىنا ءۇش قاقپانىڭ تاپسىرمالارىن ورىنداۋىمىز كەرەك.
1 - قاقپانىڭ تاپسىرماسى: ماقال – ءسوزدىڭ مايەگى. ءبىز بۇل ايالدامادا ماقالدار ايتىپ، جۇمباقتار شەشەمىز.
ماقالداردىڭ ءىزىن جالعاستىرۋ ۇلەستىرمە قاعازداردا
جۇمباقتار ءۇش قاتارعا بەرىلەدى
1. ءبىلىمنىڭ جول باسشىسى،
شاكىرتتىڭ قول باسشىسى /ءمۇعالىم/

2. شاكىرتكە جانى اشىر،
مەيىرمان كىم جانى اسىل؟ /ۇستاز/

3. ءبىلىمنىڭ ءدانىن تەرەدى،
بالاعا ءتالىم بەرەدى. /ۇستاز/

ولاي بولسا بالالار بۇگىنگى وتەتىن ساباعىمىز كىم تۋرالى ەكەن؟ /ءمۇعالىم/
يا، قادىر مىرزا ءاليدىڭ «مۇعاليما» ولەڭىمەن تانىسامىز
1. داپتەرمەن جۇمىس /2مين/
كۇننىڭ جادىن جازۋ. ساباقتىڭ تاقىرىبىن اۆتورىن جازۋ
2. وقۋلىقپەن جۇمىس
ولەڭدى ىشتەي وقۋ. /1مين/
سەرگىتۋ ءساتى: مۋزىكا تىڭداۋ /2 مين/
2 قاقپانىڭ تاپسىرماسى وقۋشىلار مۇعالىممەن سكت جاسايدى /10 مين/
1. اۆتورى: قادىر مىرزا ءالي / سلايدتان اۆتور تۋرالى تولىعىراق كورسەتۋ/
2. تاقىرىبى: مۇعاليما / كورنەكىلىك ءادىسىن پايدالانۋ/
3. جانر ءتۇرى: ولەڭ
4. يدەياسى: ءمۇعالىم ەڭبەگىن باعالاۋ، قۇرمەتتەۋ
5. شۋماق: 3 شۋماق
6. تارماق: 12 تارماق
7. بۋىن - 7بۋىن
8. ولەڭ ۇيقاسى: قارا ولەڭ
9. كوركەم سوزدەر: كلاستىڭ اناسى /بالالار پىكىرى/
10. سوزدىك: ءبىر تال شاشى اعارعان. /بۇل جەردە: ۋايىمداعان، قايعىرعان/
11. ولەڭنىڭ نەگىزگى ءتۇيىنى، تاربيەلىك ءمانى: ۇستازدى قۇرمەتتەۋ، ۇزتازدان ونەگە الۋعا تاربيەلەۋ
3 - قاقپا تاپسىرماسى. داۋىستاپ وقۋ
ورامال تاستاۋ ارقىلى ءۇش قاتاردان وقۋشىلارعا وقىتۋ.

ءىV قورىتىندىلاۋ
رەفلەكسيا /3 مين/
وقۋشىلار ساباق ۇنادى ما؟
ساباق ۇناعان بولسا ستيكەرلەرىڭدى كۇننىڭ استىنا، ال ەگەردە تۇسىنبەگەن بولساڭىز بۇلتتىڭ استىنا قويىڭىز.

V. ۇيگە تاپسىرما: 1. مۇعاليما ولەڭىن جاتتاۋ.
2. مەنىڭ ءمۇعالىمىم تاقىرىبىنا ەسسە جازۋ. /2مين/
Vءى. وقۋشىلاردى باعالاۋ: ساباققا جاقسى قاتىسقان 4 - 5 وقۋشىنى باعالاۋ /2مين/