اۆتورى:
عابيدەن قوجاحمەت،
قىزىلوردا قالاسى

قۇقىقتىق سانا وسىدان تۋىنداعان

ازات ەل قۇقىعىنىڭ اسقارلارى
بەلگىلى اتا زاڭمەن باستالعانى.
بۇل كۇندە مەرەيتويلىق تاريحى بار،
جيىرما جىل جۇرت پىكىرى قوشتالعالى.

جاڭعىرتتى جادىندا ءار كەز مۇنى حالىق،
ءار بابىن ءوز زاڭىنىڭ ۇعىپ الىپ.
ءجۇر بۇگىن وسى قۇجات اياسىندا
تىنىعىپ، ەڭبەك ەتىپ، ءبىلىم الىپ.

سان ءىستى رەتتەۋگە ورتاڭداعى،
زاڭدىلىق سالماعىنىڭ ارتار ءمانى.
سوندىقتان اتا زاڭمەن ۇيلەسۋگە
ءتيىستى ءاربىر زاڭنىڭ ءار تارماعى.

بوستاندىق بوداندىقتان بۇگىن ۇلعا،
ازات ەل تۇرعاندا اسقاق تۇعىرىندا.
ورنىعار زاڭنىڭ عانا ۇستەمدىگى -
قۇقىقتىق مەملەكەت ۇعىمىندا.

وسىنداي جاتادى ۇلكەن ۇعىمدا ءمان،
ول باردا، شىندىق ءجۇزى بۇرىلماعان.
جيىرما جىل تولدى بۇگىن اتا زاڭعا،
قۇقىقتىق سانا وسىدان تۋىنداعان.

ەل مەن ەل تەك بىلىممەن تەڭەلەتىن،
كەز كەلدى الەمگە ۇلت ەلەنەتىن.
اتا زاڭ ءار سانادا ورنىقتىرار
قوعامنىڭ شىن قۇقىقتىق مادەنيەتىن.

بوستان بوپ، ەركىندىكپەن باعالاندىڭ،
ىقپالى قاجەتتى ءار كەز ساناعا اردىڭ.
زاڭ مەن ار الشاق تۇسپەس ەكى ۇعىم،
سىيلاۋى ءتيىس ونى ءار ادامنىڭ.

قوعامىڭ قۇقىقپەنەن ولشەنگەسىن،
زاڭعا جات ونى ەشتەڭە ەڭسەرمەسىن.
مەرەكە قۇتتى بولسىن، ءار كەزدە دە
ادىلەت تارازىسى تەڭسەلمەسىن!