كوكتەم كەتتى، كۇز، مىنە، جۋىقتادى،
بارمىسىڭدار، باۋىرلار، قىرىقتاعى؟
ءبارىڭ ءتىرى قالدىڭ با، قارىعاندا
قىرىقىنشى جىلداردىڭ سۋىقتارى؟
تۋىلىپ ەك ايلار caپ ارامىزعا،
ايلار سالىپ، ارىگە بارامىز با؟!
بۇيىرماسىن تۇسىنسەم.، وسى بىزدەر،
شىنىمەنەن بىرەۋگە اعامىز با؟!
كەشە ەدى عوي، قۇداي-اۋ، كەشە ەدى عوي،
دۇيسەنبىنىڭ مىنا ءداۋ شەشەگى عوي!
مىناۋ - ازەر قاز باسقان ءتورت جاسىندا،
مۇحامەدجان قارتىڭنىڭ مەشەلى عوي.
تاعدىر بىزدەن ءبارىن دە اياماعان:
جىلاتقان دا جۇباتقان، ايالاعان،
اتا قازدان ايرىلعان بالاپان ەك،
اسپان استى، جەر ءۇستىن سايالاعان.
ارمانىمىز جۇلدىزعا جۋىق بولىپ،
اپىل-تاپىل كۇن كەشتىك سۋىپ، توڭىپ.
شارۋاسى شالقايعان شاعىن ءۇيدىڭ،
شاڭىراعىنا شانشىلدىق ۋىق بولىپ...

---