قۇستار – ءبىزدىڭ دوسىمىز

اقتوبە وبلىسى، شالقار اۋدانى،
قىزىلتۋ نەگىزگى مەكتەبىنىڭ باستاۋىش سىنىپ ءمۇعالىمى
ەسكالينا وتەبيكە ەسقالى قىزى

تاقىرىبى: قۇستار – ءبىزدىڭ دوسىمىز.
ماقساتى: وقۋشىلارعا قۇستاردىڭ پايداسى تۋرالى تۇسىنىك بەرۋ. قۇستار تۇرلەرىمەن تانىستىرۋ. قۇستارعا قامقور بولۋعا تاربيەلەۋ.

ساباقتىڭ بارىسى:
- سالاماتسىڭدار ما، بالالار. بۇگىنگى تاربيە ساعاتىنىڭ تاقىرىبى «قۇستار دوستار» دەپ اتالادى. قانە، قانداي قۇستاردى بىلەسىڭدەر؟ (وقۋشى جاۋابى).
- بۇل قۇستار ەكىگە بولىنەدى ەكەن. جابايى قۇستار جانە ءۇي قۇستارى. ءۇي قۇستارىن اتاڭدار؟
- اتەش، تاۋىق، ۇيرەك، قاز، كۇركەتاۋىق.
- ولاردى نەگە ءۇي قۇستارى دەپ اتايمىز؟
- سەبەبى ولار اداممەن بىرگە ءومىر سۇرەدى، ولاردى ادام كۇتىپ باعادى، ولار جۇمىرتقا، ەتىن، مامىعىن ادامعا بەرەدى.
- جابايى قۇستار تۋرالى اڭگىمەلەيىك. قانداي جابايى قۇستاردى بىلەسىڭدەر؟ (وقۋشى جاۋابى).

ۇكى:
ۇكى ەدىم تۇندە ۇشىپ قالىقتاعان،
قۇرتۋدان زيانكەستى جالىقپاعان.
ۇكىمدى ۇلپىلدەگەن كيەلى دەپ،
بۇرىننان - اق ادامدار تاعىپ العان.

جاپالاق:
مەن جاپالاق قالىسپايمىن جارىستان،
قورەگىمدى ىزدەمەيمىن الىستان.
ىننەن باسىن قىلت ەتسە - اق تىشقاننىڭ
150 - ءىن ءار اي سايىن جانىشام.

توقىلداق:
قۇرتتى ىزدەپ ىنىنەن،
قاراعايدى ۇڭگىگەن.
توقىلداق قۇس دارىگەر،
قاشان دا ول ابىگەر.

كوگەرشىن:
بەيبىتشىلىك قۇسى مەنمىن – كوگەرشىن،
جەر جۇزىندە بەيبىت ەڭبەك كوگەرسىن.
اسپان تۇنىق، شات كوڭىلدى بولايىق،
اق نيەتتى ادال جاندار كوبەيسىن!
- وتە جاقسى، بالالار. ەندى، بالالار، جۇمباق شەشىپ كورەيىك.

1. كولدىڭ كوركى ءسان ەكەن،
ۇشقاندا سازدى ءان ەكەن.
اقىندار ونى ماقتاعان،
ادامدار قورعاپ، ساقتاعان. (اققۋ)

2. اۋىل دا، قالا دا مەكەنى،
جولاۋشى جۇرسەك شىعارىپ سالادى،
الدىڭنان شىعادى،
جانىڭدى ەركەلەتەدى. (قارلىعاش)

3. كوكتەمدە قۇستار كەلگەندە،
ەڭ الدىمەن كەلەتىن.
ءوزىمىز كۇتىپ الاتىن،
ۇيا جاساپ بەرەتىن،
بۇل قانداي قۇس بالالار؟ (قاراتورعاي)

4. قۇستىڭ نەگىزگى مەكەنى نە؟ (ۇيا)
5. قانداي قۇس حات تاسۋشى اتالعان؟ (كوگەرشىن)
6. قانداي قۇستا مۇلدەم ۇيا بولمايدى؟ (كوكەك)

تاپسىرما: وزىڭە ۇناعان قۇستىڭ سۋرەتىن سال.