«مايساك» تايفۋنىنان تۋىنداعان ءىرى سۋ تاسقىنى سالدارىنان گۋانسي-چجۋان اۆتونوميالىق اۋدانىنىڭ ەكى قالاسىندا 159 ادام قازا تاۋىپ، تاعى ون ادام حابار-وشارسىز كەتتى، دەپ حابارلايدى infohub.kz.
شىلدەنىڭ العاشقى ونكۇندىگىندە ناننين جانە گۋيگان قالالارىنا سوققان تابيعي اپات كوپتەگەن ادام ولىمىنە جانە قيراۋعا اكەلدى. اپات سالدارىن جويۋ جونىندەگى كەڭەستەردە ايتىلعان مالىمەتتەرگە سايكەس، ستيحيادان 1،65 ميلليوننان استام ادام زارداپ شەكتى.
قازىرگى ۋاقىتتا ەكى قالانىڭ بيلىگى ينفراقۇرىلىمدى قالپىنا كەلتىرۋ مەن جاڭعىرتۋعا، سونداي-اق تابيعي اپاتتاردىڭ الدىن الۋ، ولاردىڭ سالدارىن ازايتۋ جانە زارداپ شەككەندەرگە كومەك كورسەتۋ الەۋەتىن نىعايتۋعا كۇش سالۋدا.
«مايساك» تايفۋنىنىڭ اسەرىنەن ايماقتا بۇرىن-سوڭدى بولماعان اۋقىمدى جانە ۇزاققا سوزىلعان قاتتى جاڭبىر جاۋىپ، ءبىرقاتار اۋىر تابيعي اپاتتارعا اكەلگەنى اتاپ ءوتىلدى.