15 قىركۇيەكتەن باستاپ قىتايدا جۇڭگو حالىق رەسپۋبليكاسى مەملەكەتتىك كەڭەسىنىڭ جاڭا رەگلامەنتى كۇشىنە ەندى. قۇجات ەلدىڭ ەگەمەندىگىن، قاۋىپسىزدىگىن جانە دامۋ مۇددەلەرىن قورعاۋعا باعىتتالعان قوسىمشا شارالاردى ەنگىزەدى، دەپ حابارلايدى infohub.kz سايتى.
قۇجاتتا اتاپ وتىلگەندەي، ەرەجەلەر شەتەلگە شىعاتىن جانە ەلگە كىرەتىن ازاماتتاردىڭ زاڭدى قۇقىقتارىن، سونداي-اق مەملەكەتتىڭ ەگەمەندىگى مەن قاۋىپسىزدىگىن جانە دامۋ مۇددەلەرىن قورعاۋدى كوزدەيدى.
جاڭا رەگلامەنتكە سايكەس، بيلىك جەكەلەگەن ەلدەرگە بارۋ كەزىندە تۋىندايتىن تاۋەكەلدەر تۋرالى ەسكەرتۋلەر جاريالاپ وتىرادى.
شەتەلدە قۇقىق بۇزۋشىلىق جاساعان نەمەسە ەكسپورتتىق باقىلاۋ ەرەجەلەرىن بۇزعان جۇڭگو ازاماتتارىنا التى ايدان ءۇش جىلعا دەيىن شەتەلگە شىعۋعا تىيىم سالىنۋى مۇمكىن.
شەتەلدىكتەرگە ۆيزا راسىمدەۋ كەزىندە نەمەسە شەكارادا جالعان مالىمەت بەرگەنى ءۇشىن قىتايعا كىرۋگە ءبىر جىلدان بەس جىلعا دەيىن تىيىم سالىنۋى مۇمكىن.
سونىمەن قاتار، شەتەلگە شىعۋ جانە ەلگە كىرۋ جونىندەگى دەلدالدار ءۇشىن مىندەتتى تىركەلۋ ەنگىزىلەدى. زاڭسىز قىزمەت ءۇشىن 750-دەن 7 500 دوللارعا دەيىن ايىپپۇل قاراستىرىلعان.