الماتى وبلىسى جامبىل اۋدانىنىڭ قاسىمبەك اۋىلىندا قازاقستاندىق SilkSpirits Ltd. كومپانياسى جىلىنا 1،37 ملن بوتەلگەگە دەيىن الكوگول ءونىمىن شىعارماق. بۇل تۋرالى «كۋرسيۆتىڭ» قاراماعىنا تۇسكەن جوبانىڭ قىسقاشا تەحنيكالىق ەمەس تۇيىندەمەسىندە ايتىلعان، دەپ حابارلايدى infohub.kz سايتى.
«جەلىنىڭ وندىرىستىك قۋاتى تىعىنداۋ جابدىعىنىڭ ونىمدىلىگىمەن انىقتالادى جانە ءبىر اۋىسىمدىق جۇمىس رەجيمىندە (1 اۋىسىم 8 ساعات، جىلىنا 250 جۇمىس كۇنى) جىلىنا 1 071 000-نان 1 377 000-عا دەيىن دايىن ءونىم بوتەلكەسىن قۇرايدى، بۇل 0،5 ل بوتەلكەلەرگە قۇيۋ كەزىندە 53 550-68 850 دال ونىمگە، ال 0،7 ل بوتەلكەلەرگە قۇيۋ كەزىندە 74 970-96 390 دال ونىمگە سايكەس كەلەدى»، – دەلىنگەن قۇجاتتا.
كاسىپورىننىڭ الكوگول ءونىمىن شىعارۋ جونىندەگى جوبالىق وندىرىستىك قۋاتى جىلىنا 300 مىڭ ليتر دەڭگەيىندە مالىمدەلگەن. ءونىم شىعارۋ 2026-2035 جىلدارعا جوسپارلانعان. اۋماعى 0،61 گا ۋچاسكەدە الكوگول ءونىمىن وندىرەتىن تەحنولوگيالىق جەلىسى بار وندىرىستىك كورپۋس، شيكىزات پەن دايىن ءونىم قويماسى، اكىمشىلىك-تۇرمىستىق ءۇي-جايلار، سونداي-اق قاپتاۋ ۋچاسكەسى قاراستىرىلعان.
SilkSpirits Ltd. استىق ديستيللياتىن (بايسزيۋ) دايىنداۋدىڭ تولىق تەحنولوگيالىق سيكلىندەگى الكوگول ءونىمىن – شيكىزاتتى قابىلداۋ مەن دايىنداۋدان باستاپ قۇيۋ، قاپتاۋ، ساقتاۋ جانە دايىن ءونىمدى جونەلتۋگە دەيىن شىعاراتىن بولادى.
كومپانيا سپيرت-شيكىزاتتى ءوزىنىڭ استىق شيكىزاتىنان ءوز بەتىنشە وندىرمەك، سوندىقتان دايىن نەمەسە جارتىلاي وڭدەلگەن ءسپيرتتى ساتىپ الۋ قاجەتتىلىگى جوق ەكەنىن مالىمدەيدى. سپيرت قاراپايىم ايداۋ ادىسىمەن الىنادى. نەگىزگى شيكىزات رەتىندە جۇگەرى – جىلىنا 400 توننا، ارپا – جىلىنا 150 توننا، بيداي – جىلىنا 100 توننا پايدالانىلادى، ياعني استىق شيكىزاتىن وڭدەۋدىڭ جالپى كولەمى جىلىنا 650 توننانى قۇرايدى.
ءوندىرىس ءۇشىن جىلىنا 3،6 مىڭ تەكشە مەتر تەحنولوگيالىق سۋ قاجەت – قايناتۋ، قانتتاندىرۋ، فەرمەنتاسيالاۋ جانە كۋپاجداۋ ءۇشىن. سپيرتتىك اشىتۋ ءۇشىن جىلىنا 12،6 توننا مولشەرىندە جوعارى بەلسەندى قۇرعاق اشىتقى جانە اشىتقى (سزيۋسيۋي) قولدانىلادى.
بوتەلكەلەردى تولتىرۋ باسقارۋ جۇيەسى بار جانە ساعاتىنا 800-1500 بوتەلكە ونىمدىلىگى بار اۆتوماتتى قۇيۋ ماشيناسىمەن جۇزەگە اسىرىلادى. الكوگول ءونىمى سىيىمدىلىعى 0،25 ليتر (جىلىنا 100 مىڭ دانا)، 0،5 ليتر (جىلىنا 150 مىڭ دانا)، 0،7 ليتر (جىلىنا 100 مىڭ دانا) جانە 1 ليتر (جىلىنا 120 مىڭ دانا) شىنى بوتەلكەلەرگە قۇيىلادى.
اشىق دەرەككوزدەرگە سايكەس، SilkSpirits Ltd. 2026 جىلعى 16 ناۋرىزدا نح ساۋدا بەلگىسىن (الكوگولدى سۋسىندار، سىرا جانە الكوگولسىز سۋسىندار) تىركەگەن.
SilkSpirits Ltd. كومپانياسىنىڭ (2025 جىلعى 12 ماۋسىمدا الماتى وبلىسىنىڭ قاسىمبەك اۋىلىندا تىركەلگەن) جەتەكشىسى جانە جالعىز يەسى – لي لۋنان. ول سونداي-اق الماتىداعى HX Global Logistics كومپانياسىن (2025 جىلعى 14 ناۋرىزدا تىركەلگەن) باسقارادى جانە جالعىز ءوزى يەلەنەدى.