قىتايدىڭ وڭتۇستىك-باتىسىنداعى چۋنسين قالاسىندا تاۋ بەتكەيىنىڭ وپىرىلۋى سالدارىنان سەگىز ادام قازا تاۋىپ، 34 ادام حابار-وشارسىز كەتتى. قۇتقارۋشىلار ءۇيىندى استىنان ون ادامدى شىعاردى. بۇل تۋرالى infohub.kz حابارلايدى.
«سينحۋا» اگەنتتىگىنىڭ مالىمەتىنشە، پەنشۋي-مياو-تۋسزيا اۆتونومدى ۋەزىنىڭ حانسزيا كۆارتالىندا كەنەتتەن تاۋ جىنىستارى مەن توپىراقتىڭ اۋقىمدى وپىرىلۋى بولىپ، تاۋ ەتەگىندەگى وننان استام تۇرعىن ءۇيدى باسىپ قالعان. ءۇيىندى استىنا ەلەكتر جەلىسىنىڭ ءۇش تىرەگى قالىپ، زارداپ شەككەن اۋداندا ەلەكتر قۋاتى ۇزىلگەن. جەرگىلىكتى ەنەرگەتيكا قىزمەتى 53 اپاتتىق بريگادا قىزمەتكەرى مەن 12 اپاتتىق-جوندەۋ كولىگىن، سونداي-اق ەلەكتر جارىعىن اۆاريالىق قامتاماسىز ەتۋگە ارنالعان ءبىر جىلجىمالى پلاتفورمانى جۇمىلدىردى.
الەۋمەتتىك جەلىلەردە تراگەديا كادرلارى پايدا بولدى. Fox News حابارلاۋىنشا، ءۇيىندى استىندا قانشا ادام قالعانى بەلگىسىز. بيلىك مالىمەتتەرىنە سايكەس، ءقاۋىپتى ايماقتان 1100-نان استام ادام ەۆاكۋاسيالاندى. اپاتقا نوسەر جاڭبىردان كوشكىن ءتۇسۋى سەبەپ بولدى.