قىتايلىق ينۆەستور ءوز ايەلىنىڭ قىلمىسىن دالەلدەۋ ءۇشىن توعىز جىل جانە كوپ قاراجات جۇمسادى. ايەلى ونى الداپ، مۇلكىن يەمدەنبەك بولعان. ناتيجەسىندە، ايەل اقش-تا ۇستالىپ، 65 جىل باس بوستاندىعىنان ايىرىلدى، دەپ حابارلايدى infohub.kz.
South China Morning Post باسىلىمىنىڭ دەرەگىنشە، بۇل وقيعا 52 جاستاعى لي پين ەسىمدى ينۆەستوردىڭ باسىنان وتكەن. ول بيرجادا اقشا تاۋىپ، بايلار قاتارىنا قوسىلعان سوڭ، 2014 جىلى بانكتە قىزمەت ىستەيتىن چجان شۋدانمەن تانىسقان.
ايەل ليگە ءوزىنىڭ قيىن بالالىق شاعى تۋرالى جانە ءبىلىمدى ءوز كۇشىمەن العانى جايلى ايتىپ، ونىڭ سەنىمىنە كىرگەن. كوپ ۇزاماي ينۆەستور چجان جۇمىس ىستەيتىن بانككە ۇلكەن سوما اۋدارعان، سودان كەيىن ولار ۇيلەنگەن. لي ايەلىنە شەنچجەن قالاسىنان پاتەر ساتىپ العان.
الايدا ۇيلەنۋ تويىنان كەيىن كۇماندى وقيعالار باستالدى. ءبىر كۇنى ءليدىڭ كولىگىنىڭ تەجەگىشى ىستەن شىعىپ، ول اپاتقا ۇشىراۋدان امان قالعان. كوپ ۇزاماي ونىڭ جۇكتى ايەلى كەنەتتەن جوعالىپ، لوس-اندجەلەسكە ۇشىپ كەتكەن.
كەيىن بەلگىلى بولعانداي، ايەل وزىمەن بىرگە اقشا مەن بىرنەشە پاتەردىڭ قۇجاتتارىن الا كەتكەن.
تەرگەۋ بارىسىندا چجان مەن ونىڭ سىبايلاسى ءليدىڭ كولىگىنىڭ تەجەگىش جۇيەسىن ادەيى بۇزعانى انىقتالدى. ولاردىڭ ماقساتى ەركەكتى ءولتىرىپ، ونىڭ بايلىعىن يەمدەنۋ بولعان. كەيىنىرەك ونىڭ كوتەرىپ جۇرگەن بالاسى ليدەن ەمەس ەكەنى دە بەلگىلى بولدى.
وسىدان كەيىن ينۆەستور ايەلىن ىزدەي باستادى. ول جۇڭگو مەن اقش-تا جەكە دەتەكتيۆتەر مەن ادۆوكاتتاردى جالداپ، ايەل تۋرالى اقپارات بەرگەن كەز كەلگەن ادامعا ءبىر ميلليون دوللار سىياقى ۇسىندى.
2020 جىلى جۇڭگو سوتى ولاردىڭ نەكەسىن جارامسىز دەپ تاۋىپ، ليگە جىلجىمايتىن م ۇلىكتى قايتارعان. ال 2024 جىلى چجان اقش اۋماعىندا ۇستالعان.
امەريكاندىق سوت ايەلدى الاياقتىق، ادام ساۋداسى جانە بالا ۇرلاۋ سياقتى بىرنەشە ايىپتار بويىنشا كىنالى دەپ تاۋىپ، ونى 65 جىل باس بوستاندىعىنان ايىرعان.
ەسكە سالا كەتەيىك، ءبىز قىتايدا ەكى جاسىندا جوعالىپ كەتكەن قىزدىڭ 30 جىلدان استام ۋاقىتتان كەيىن تۋعان اناسى مەن اپكەسىمەن قاۋىشقانى تۋرالى جازعان بولاتىنبىز. تولىعىراق.